Cabecera experiencia

Campo Lameiro, capital da arte rupestre en Galicia

Buscador
Gozar con...
Icono Parella Parella Icono Grupo Grupo Icono Só Icono Familia Familia
Cando ir...
Icono Outono Outono Icono Inverno Inverno Icono Primavera Primavera Icono Verán Verán
Onde...
Icono Interior Norte Interior Norte
Escritura (glifo) en pedra (petro) é exactamente o que quere dicir esta expresión, orixe de múltiples teorías sobre a interpretación do seu significado e a vida dos que deixaron as súas pegadas nas pedras ata os nosos días.

Pasear por case 22 ha de monte e atoparte de súpeto nun poboado prehistórico é posible se visitas o municipio de Campo Lameiro. Este concello da provincia de Pontevedra atópase situado nun espazo protexido, cunha rica fauna e flora, o que o converte nunha escapada perfecta en soidade, con amizades ou en familia. O seu valor paisaxístico convérteno no marco perfecto para unha excursión cultural no medio da natureza.

En 64 km atópase a maior concentración de petróglifos de Galicia, a máis primitiva manifestación artística da comunidade, declarada Monumento Histórico-Artístico en 1974. O Parque Arqueolóxico da Arte Rupestre, aberto en 2011, protexe e divulga a historia e a cultura que os rodea: cando e por que se fixeron, como se ocultaron, quen os descubriu e que mecanismos xorden para estudalos e conservalos para as futuras xeracións. Coas explicacións dos seus guías e dos paneis explicativos aprenderemos a distinguir se un gravado é abstracto ou figurativo, que querían representar cando gravaban un cervo ou unha lanza e saber por que unha pegada nunha rocha ou un material tan brando coma o xiz poden supor un dano irreparable neles.

O parque arqueolóxico, incluído no Itinerario Cultural do Consello de Europa Camiños de Arte Rupestre Prehistórica, desenvolve unha atractiva oferta cultural, educativa e lúdica baseada nos petróglifos de Galicia.

Nel podes:

● Visitar unha atractiva e suxestiva exposición estable

● Pasear por unha extraordinaria paisaxe cultural e descubrir algúns dos máis fermosos petróglifos de Galicia

● Viaxar no tempo e coñecer unha recreación dun poboado de hai 4.000 anos

● Participar en diferentes actividades que combinan contidos patrimoniais e experiencias lúdicas, como cazar con arco ou facer lume sen mistos nin chisqueiros

O parque arqueolóxico dispón de servizo de cafetería, restaurante e tenda.

O centro de interpretación conta con modernos equipamentos dentro dun edificio integrado na paisaxe, onde non só coñecerás o resto de gravados existentes en Galicia senón tamén a estreita relación que gardan cos petróglifos aparecidos no resto do planeta.

Unha vez fóra do recinto penetrarás no monte, seguindo os camiños marcados, que te levarán ás diferentes estacións rupestres. A opción da visita guiada permitirache profundar na vida da comunidade que habitou os vales do Lérez na Idade de Bronce, ó mesmo tempo que gozas dun paseo baixo carballos e castiñeiros centenarios.

Gozar con...
Parella Grupo Familia
Cando ir...
Outono Inverno Primavera Verán
Onde...
Interior Norte   
Recursos da experiencia
Recursos da experiencia
Recursos próximos
Recursos próximos