Descubre a illa de loureiros máis grande de Europa

Buscador
O chamado Camiño do Carro ponse ao descuberto en canto baixa a marea, unindo así a illa de Cortegada co municipio ao que pertence, Carril. É a maior dun pequeno arquipélago, xunto ás Malveiras e ás Briñas e forman parte do Parque Nacional Marítimo Terrestre das Illas Atlánticas.

Ademais de polas súas laurisilvas, Cortegada tamén é valorada pola riqueza dos seus fondos mariños e a densidade que lle confire a súa carballeira e a súa cantidade de árbores da especie Pinus pinaster. Esta contorna, ás veces sombría, vese potenciada polas 54 hectáreas de terreo que emerxe e a súa escasa elevación sobre o nivel do mar, o que favorece a existencia de charcas e lagoas.

Atópase ao fondo da ría de Arousa, na parroquia de Carril, pertencente ao municipio de Vilagarcía de Arousa. Os case 190 metros de area que a separan da costa forma, desde hai séculos, un gran viveiro de mariscos, o que converte a esta illa nunha imaxe de fondo xunto ás mariscadoras, polo que é tan coñecida esta zona.

Mencionada no século I por Plinio como Corticata, a historia pasou por ela deixando multitude de pegadas: un mosteiro na Idade Media ocupou un terreo onde agora só queda unha igrexa e un cruceiro. Ata o século XX estivo habitada por colonas e colonos que labraban as súas terras e pagaban rendas ao Pazo da Golpelleira. Aínda quedan restos das súas casas entre a frondosidade da vexetación, un casarón do século XIX, cortes, pozos e un hospital construído no século XVII e reutilizado como lazareto.

Foi no século XX cando o pobo quixo doala ao rei Afonso XIII pero finalmente elixiu Santander para establecer alí a súa residencia de veraneo, no Palacio de La Magdalena. Posteriormente vendida, a declaración do arquipélago como parte do Parque Nacional das Illas Atlánticas garantirá a supervivencia do seu bosque de laurisilvas, permanecendo aberta ao uso público para coñecer a súa historia e a súa natureza.

Gozar con...
Parella Grupo Familia
Cando ir...
Outono Primavera Verán
Onde...
Costa Norte   
Recursos da experiencia
Recursos da experiencia
Recursos próximos
Recursos próximos