Máis de medio século cortando xamón na Cañiza

Buscador
A Feira do Xamón na Cañiza consolídase como unha das festas gastronómicas máis lonxevas ao superar o medio século e alcanzar a súa LI edición

O Atlántico, o Miño e as illas Cíes. A boa comida e o bo albariño. Todo aquel que chega a Galicia sabe que esta comunidade costeira é famosa polos seus pratos mariñeiros e, en especial, polo marisco. En Galicia gusta a variedade, e no interior pódese gozar de boa comida. Proba diso é a metade de século que cumpriu a xa famosa Feira do Xamón en 2016. O segredo reside no bo facer, e está claro que unha cultura ligada a iso e o clima tamén axudan. Por unha banda, a boa crianza do porco, e por outra, a antiga tradición da matanza do animal, que ata hai ben pouco se realizaba en cada aldea, especialmente nas do interior. Un traballo que se completaba grazas ao microclima, que provía o xamón dunha envexable curación e garantía a súa conservación nas propias casas dos veciños.

Este proceso terminaba coa súa disposición no prato, e para iso un bo corte era e segue sendo esencial. Toda unha arte que reúne bos cortadores na feira, coma o profesional Víctor Burgos nesta edición de 2017.

Aínda que é un prato moi coñecido en España, cómpre mencionar que se trata da única festa galega dedicada a este manxar, e nunca mellor dito, pois antigamente o que criaba o porco vendíao para beneficio da familia e así poder subsistir o resto da tempada.

Declarada Festa de Interese Turístico de Galicia, é unha boa escusa para, a partir do 15 de agosto, achegarse e probar cada un dos pratos que se ofrecen durante a feira, coma o xamón curado ou asado, en cocido, en tortilla e en empanada. E todo o que o desexe pode acompañar a comida cun viño local do Condado do Tea, Denominación de Orixe Rías Baixas.

Para ver e percorrer

Despois de comer, unha boa idea é pasear polo Camiño da Raíña e por algún dos pazos que se atopan na zona, coma o pazo da Fraga, os pazos de Cuco-Ruxo, Ribeira e Salgado ou o de Barreiro.

Outra opción é achegarse ao santuario da Franqueira, a apenas 30 minutos en coche, e descubrir a antiga arte de refrixeración dos neveiros.

Gozar con...
Parella Grupo Familia
Cando ir...
Verán
Onde...
Interior Sur   
Recursos da experiencia
Recursos da experiencia
Recursos próximos
Recursos próximos