Inmersos nas tradicións máis auténticas

Buscador

Esta experiencia ten lugar en Covelo, onde atopas unha natureza asombrosa que se intensifica ó redor dos cumes da serra do Suído, que alberga o cume máis alto de Rías Baixas. Tamén ó redor dos vales dos ríos Tea e Alén, onde aínda hoxe en día hai elementos de flora subtropical propia dos bosques que existiron en Galicia fai máis de 20 millóns de anos e que resistiron as posteriores etapas de glaciación ata que, fai dez mil anos, o clima se volveu máis cálido.

Esta riqueza natural compleméntase coa pervivencia dunha cultura rural onde a natureza continúa tendo grande importancia e que permitiu que actualmente se poida gozar de elementos coma o serradoiro dos Carranos, os muíños ou os pasos, conxuntos formados por ringleiras de pedra en liña para cruzar o río, todo isto proba da importancia da auga na vida tradicional.

Grazas a esta experiencia móstranse as impresionantes paisaxes deste recuncho do interior de Rías Baixas.

Se queres podes visitar a ermida da Virxe da Xestosa, onde existe a tradición de fregarse co pan depositado nun sarcófago antropomorfo.

A aldea da Graña, situada preto dos cumes do Suído e onde nace o río Tea, trátase dun lendario pobo de comerciantes desde tempo inmemorial, de orixe xudea-conversa e que está considerada como un dos grupos diferenciados máis importantes da península, que sobreviviu ata os nosos días cos seus modos de vida e costumes ancestrais.

No museo Pazo da Cruz poderás descubrir a lenda da bandoleira Pepa a Loba ou de Alfonso Graña, o rei dos xíbaros.

Para non desconectar da natureza na que te atopas inmerso o ideal é que te hospedes nun dos entrañables aloxamentos de turismo rural da zona.

Gozar con...
Parella Grupo Familia
Cando ir...
Outono Primavera Verán
Onde...
Interior Sur   
Recursos da experiencia
Recursos da experiencia
Recursos próximos
Recursos próximos