O comercio medieval

Buscador

Coñécense como pendellos as construcións realizadas polos comerciantes para levar a cabo a actividade comercial, feiral e de troco no século XVIII.

Trátase de edificacións en ringleira, de diferentes tamaños, que dispoñen no seu interior de bancos e mostradores para levar a cabo o troco. Construíronse tamén cabanas para gardar os apeiros e mercadorías aínda que tamén serviron de albergue. Este conxunto arquitectónico é único pola súa conservación e por ser un dos mercados medievais nun núcleo urbano.

A historia deste mercado medieval remóntase a antes do século XVIII posto que a feira do 12 (chamada así por celebrarse o día 12 de cada mes) tiña lugar desde había moito tempo no Farelo, e non foi ata o século XVIII cando se trasladou ó núcleo urbano, comezando desta forma a construción dos pendellos.

En concreto, os existentes en Agolada foron declarados Monumento histórico-artístico en 1985.

No mes de agosto teñen lugar a Mostra de Artesanía e a Feira Medieval de Agolada, onde se revive a época de esplendor destas construcións.

Gozar con...
Parella Grupo Familia
Cando ir...
Outono Inverno Primavera Verán
Onde...
Interior Norte   
Recursos da experiencia
Recursos da experiencia
Recursos próximos
Recursos próximos