Tralas pegadas do Colón galego

Buscador
Gozar con...
Parella Grupo Familia
Cando ir...
Outono Inverno Primavera Verán
Onde...
Costa Norte    Costa Sur   
Fronte á crenza tradicional da súa orixe xenovesa ou catalá, renace con argumentos de peso a teoría do Colón galego, criado en San Salvador de Poio, concretamente. O percorrido polos puntos chave para defender esta teoría levarate a diversas localizacións nas rías de Pontevedra e de Vigo dedicadas ao personaxe e ás súas fazañas.

No municipio de Poio, que limita co de Pontevedra, abriuse en 2010 a Casa Museo de Cristóbal Colón, un espazo de nova creación, suposto lugar de orixe do mariño, onde, a través de pantallas, maquetas, bibliografía e vídeos, se xustifica a teoría sobre o seu nacemento neste municipio.

Fronte á Casa Museo atópase un cruceiro que ten na base o emblema dos corsarios, a cruz dos piratas, o que lle deu o apelativo popular de "Casa da Cruz".

Este apelativo foi pasando de xeración en xeración como o referido ao lugar onde se criou o navegante e obtivo relevancia como evidencia da súa orixe pontevedresa grazas a unha fotografía de principios do século XX que mostra unha inscrición na que se pode ler "Juan Colón, 1490".

Esta e outras probas e exemplos converterante nun defensor máis desta teoría que mestura historia familiar, tramas políticas e a ambición de quen posúe os coñecementos para navegar e consegue os medios para alcanzar o seu soño.

Xa na cidade de Pontevedra, observarás a presenza de Colón na fachada da basílica de Santa María a Maior, en forma de busto, a carón do rosetón da fachada principal, xunto a outro navegante ilustre, Hernán Cortés.

A continuación poderás desprazarte ao sur da ría de Vigo, á vila de Baiona, para visitar o Museo da Carabela Pinta. Trátase dunha reprodución da carabela capitaneada por Martín Alonso Pinzón que o 1 de marzo de 1493 atracou no porto de Baiona. Esta localidade foi o primeiro porto de Europa que recibiu a noticia do descubrimento de América.

En 1992, con motivo da conmemoración do V Centenario do Descubrimento, construíuse a réplica da embarcación que permanece amarrada nun dos peiraos do porto deportivo da vila. Accesible a pé por unha pasarela, é unha de principais atraccións do paseo marítimo de Baiona, xunto ao parador na península de Monterreal, á esquerda, e ás galerías de arquitectura tradicional costeira, á dereita.

Cada primeira fin de semana de marzo (ou última de febreiro, dependendo da proximidade do día 1 de marzo) celébrase a festa de Interese Turístico Internacional da Arribada, que recrea as escenas vividas hai máis de cincocentos anos e transforma o conxunto antigo de Baiona nunha vila medieval. 

Más información:

Gozar con...
Parella Grupo Familia
Cando ir...
Outono Inverno Primavera Verán
Onde...
Costa Norte    Costa Sur   
Recursos da experiencia
Recursos da experiencia
Recursos próximos
Recursos próximos