9:00
Comeza o día con enerxía e enche de aire os teus pulmóns vendo o amencer desde As Rías Baixas no monte da Siradella. Desde alí poderás divisar os arredores da península do Grove con claridade e a illa de Ons. Despois poderás satisfacer a túa curiosidade cunha visita didáctica ao centro de natureza.
11:00
Desde A Siradella ponte en marcha e diríxete á singular localidade de San Vicente, imbúete do seu aire mariñeiro e sigue rumbo ao norte para gozar dun paseo polos fermosos areais ou darte un baño. Poderás divisar as illas do parque nacional no horizonte. Continúa ata o xacemento de Adro Vello, un lugar máxico e cunha grande historia que te fascinará.
13:30
É hora de repoñer forzas. A península grovense posúe unha ampla variedade de produtos do mar, motivo polo cal é coñecida como a capital do marisco nas Rías Baixas. Nesta localidade atoparás numerosos restaurantes con vistas ao mar, entre eles un Estrela Michelin e un Sol Repsol. Fame de experiencias?
16:00
Unha comida deliciosa pide un paseo á beira do mar, xa sexa por esta mesma localidade ou pola illa da Toxa, un coñecido centro termal con fermosas paisaxes e unha característica ermida de cunchas. Para coñecer a vida no fondo das rías visita despois o acuario do Grove. E para completar engade o museo da pesca e da salgadura, onde aprenderás máis sobre a relación entre o ser humano e o mar.
18:00
É unha das zonas húmidas máis fermosas e importantes de Galicia, e nela poderás contemplar a fauna e flora características do contorno coa axuda dos miradoiros, que serven tanto para admirar a paisaxe coma para observar aves migratorias. O mellor momento para gozar deste enclave é coa preamar.
20:00
Para finalizar a xornada diríxete ao areal máis grande das Rías Baixas. Aquí poderás visitar o xacemento arqueolóxico da Lanzada, os restos da torre defensiva do século X e a capela de Nosa Señora da Lanzada. Todo mentres o sol se afunde no horizonte.
