As 55 bandeiras azuis que ondearán este verán nas praias das Rías Baixas
A provincia de Pontevedra lidera a clasificación galega de praias con bandeiras azuis. Este verán serán un total de 55 os areais das Rías Baixas que lucirán este distintivo de calidade fronte aos 38 da Coruña e os 14 de Lugo. Os exames de calidade da auga, seguridade, dotación de servizos e accesibilidade volven situar Sanxenxo como o municipio español con máis bandeiras, alcanzando as catorce tras sumar nesta edición unha máis para Panadeira. A gran novidade de 2019 é que a praia urbana de Samil, en Vigo, obtén por primeira vez na súa historia esta distinción.
Na comarca do Salnés ondearán un total de 18 bandeiras azuis, O Morrazo logrou 17 e Vigo conserva as 16 de anos anteriores. O Baixo Miño queda coas dúas da Guarda e a comarca de Pontevedra logra dúas: unha para Cabeceira (Poio) e outra para a praia fluvial de Ponte Caldelas.
Relación completa de praias distinguidas na provincia de Pontevedra:
- A Guarda: O Muíño e Area Grande
- Baiona: Os Frades, A Barbeira, A Concheira, A Riveira e Santa Marta
- Vigo: O Vao, Samil, Argazada, Rodas (Cíes), Figueiras (Cíes), A Punta, Tombo do Gato, Fortiñón, Canido e Fontaíña
- Redondela: Praia de Cesantes (Dereita)
- Moaña: Praia do Con
- Cangas: Areabrava, Nerga, Menduíña, Melide, Areamilla, Liméns, Rodeira
- Bueu: Lapamán, Area de Bon, Portomaior e Lagos
- Marín: Aguete, Mogor, Portocelo, Loira e O Santo-Coviña
- Poio: Cabeceira
- Sanxenxo: Areas, Caneliñas, A Lanzada-O Espiñeiro, Canelas, Montalvo, Silgar, Bascuas, Magor, Foxos-Nosa Señora da Lanzada, Areas Gordas-A Lapa, Pragueira, Baltar, Paxariñas e Panadeira
- Vilagarcía de Arousa: Preguntoiro e Campanario
- Illa de Arousa: Area da Secada e Bao (Camaxe)
- Ponte Caldelas: praia fluvial da Calzada
