10:00
Este parque convídanos a participar en diferentes actividades ao aire libre, desde pasear a cabalo ata tirarse nunha espectacular tirolina entre o arboredo. Unha forma divertida de gozar da natureza verde de Galicia combinando deporte e vistas á ría de Pontevedra.
12:30
O lago Castiñeiras sitúase entre os concellos de Vilaboa e Marín. Trátase dun excepcional espazo natural con un lago creado nos anos 50. Ademais das zonas verdes acolle unha gran variedade de fauna. E non moi lonxe de alí atopamos o conxunto megalítico Chan de Castiñeiras, que nos fará viaxar a outras épocas. A mámoa do Rei é o elemento máis singular. A súa perfecta conservación faranos máis sinxelo o apreciar a súa monumentalidade.
14:30
Despois dunha mañá cargada de actividades, nada mellor que unha comida especial para repoñer forzas. Non moi afastado da península do Morrazo, o núcleo de Arcade recíbenos cun monumento dedicado ao seu prato estrela, as ostras. É tradicional o seu consumo en cru e contan que posúen propiedades afrodisíacas.
16:30
Empezamos a tarde nun lugar especial: o miradoiro da Peneda e a súa capela do século XVII. Poderemos gozar da ría de Vigo desde o alto. A ponte de Rande ou as illas Cíes de fondo son algúns dos principais puntos que se distinguen desde a cima. Unha foto para o recordo.
17:30
Esta ponte de orixe medieval cóntanos a través dos seus 10 arcos os avatares da batalla que se viviu neste punto da desembocadura do río Verdugo durante a Guerra da Independencia, o 7 e 8 de xuño de 1809, o que supuxo o final da ocupación francesa de Galicia.
Estas salinas comezaron a explotarse no século XVII. Hoxe transformadas en marismas, teñen interese a súa fauna e a súa flora. Consérvanse tamén os restos da granxa das salinas, que utilizaban as e os servos e as persoas propietarias da época. Un lugar único para a súa visita.
