Maratón de citas gastronómicas

Tradición e cociña maridan á perfección nos eventos de interese galego

As Rías Baixas é a terra das mil festas, onde a gastronomía ocupa un lugar especial. Dos 43 eventos de Interese Turístico de Galicia a metade réndenlles tributo á materia prima e á cociña da provincia de Pontevedra. Tradición, historia e espiritualidade tamén teñen unha importante presenza neste espléndido calendario festivo. Non perdas ningunha cita!

A ancestral Danza de San Sebastián, en Cangas, abre o pano en xaneiro. Madamas con espectaculares vestimentas e elegantes galáns bailan no atrio da igrexa da parroquia de Aldán nesta popular, tradicional e espectacular cita.

Desfiles de comparsas, enterros de figuras míticas e moita imaxinación poboan a provincia no Entroido. Lugar especial ocupan o Entroido de Cobres, coa súa colorista danza tradicional, e os Xenerais da Ulla, que percorren dacabalo os municipios do norte da provincia con vistosos traxes e se baten en duelo… dialéctico.

Reconquista Vigo

Cuntis homenaxea un dos grandes produtos de inverno, o lacón con grelos, e Pontevedra fai o propio co caldo de Mourente. As Neves rende tributo ao delicioso requeixo con mel, mentres que en Vigo a poboación se rebela contra o exército de Napoleón na escenificación da Reconquista. En Tui celébrase a tradicional festa do seu patrón, San Telmo.

A famosa ostra de Arcade saboréase en abril, e nestas datas ten lugar en Meiro (Bueu) a degustación do millo corvo. A Semana Santa, pola súa banda, conta con dúas grandes manifestacións na provincia de Pontevedra: Cangas, onde destacan as magníficas tallas articuladas, e Paradela (Meis), cunha espléndida escenificación.

El lacón es, con el cocido, el producto estrella del invierno, mientras que en verano se celebran un sinfín de fiestas de productos del mar

O galo de curral (Vila de Cruces) protagoniza outra das grandes festas da primavera, do mesmo xeito que os dous eventos que homenaxean suculentos peixes de río como a troita (Ponte Caldelas) e o salmón (A Estrada). O saboroso choco recibe tributo nunha espléndida cita en Redondela, e a vistosa Festa da Rosa é outro estupendo evento que ten lugar por estas datas en Mos.

O Corpus Christi conta con varias impresionantes manifestacións nas Rías Baixas; xunto á de Ponteareas, de Interese Internacional, destacan a de Bueu e a Festa da Coca de Redondela, con mestura de relixión e lenda, ambas as dúas de Interese Turístico de Galicia. Nesta época do ano outra cita popular é a Romaría das Pascuillas da Franqueira (A Cañiza).

No verán arrinca unha auténtica ladaíña de eventos. As Festas da Vieira (Cambados), a da Lagosta (A Guarda), a do Viño do Rosal e a do Carneiro ao Espeto (Moraña), fan destes produtos os protagonistas na mesa en xuño. A estas únense as tradicionais de San Benitiño de Lérez (Pontevedra) e a do Santísimo Cristo dos Aflixidos de Bouzas (Vigo).

  •  
    Fiesta del Lacón con Grelos (Cuntis)
  •  
    Feira Franca (Pontevedra)
  •  
    Fiesta de la Anguila (Valga)
  •  
    Danza de San Sebastián (Aldán)
  •  
    Festa do Choco (Redondela)
  •  
    Xenerais da Ulla
  •  
    Romería de las Pascuillas de A Franqueira (A Cañiza)
  •  
    Gallo de corral (Vila de Cruces)
  •  
    Vino del Condado de Tea (Salvaterra do Miño)

Agosto é un festival gastronómico continuo, celébranse festas coma a da Tortilla de Laro (Silleda), a do Viño do Condado do Tea (Salvaterra de Miño), a do Mexillón e do Berberecho (Vilanova de Arousa), a da Ameixa do Carril (Vilagarcía de Arousa), a do Xamón da Cañiza, a da Empanada da Bandeira (Silleda), a da Anguía e a Mostra da Caña do País (Valga), nas que se degustan estes produtos autóctonos nesta tempada. A estas citas únense as Festas do Monte da Guarda, a Danza de San Roque do Hío (Cangas), a Festa do Gaiteiro de Soutelode Montes e o Descenso Internacional do Río Miño (Tui).

Setembro vén cargado tamén de importantes celebracións. Non debedes perder a histórica Feira Franca de Pontevedra, as fermosas Danzas Ancestrais de Darbo (Cangas), a tamén colorista Danza das Espadas, nas Festas de San Miguel de Marín, e as populares Romarías da Virxe da Franqueira, na Cañiza.

O último tramo do ano ten como eventos claves a Festa de San Martiño de Moaña, en novembro, onde se degusta viño da casa nos furanchos, e o impresionante Belén de Valga no Nadal, con máis de 4.000 tallas artesanais.

Apuntádeo nas vosas próximas escapadas e vide gozar das festas nas Rías Baixas!