cabecera_camelia
Buscador

Antonio Botana

Ganache de chocolate branco, infusión emulsionada de camelia, pétalos secos e po de té verde de camelia con almibre

Ingredientes:

  • Pétalos dunha camelia branca
  • Pétalos dunha camelia vermella
  • Almibre de tpt (250 mg de azucre e 250 ml de auga)
  • 200 ml de nata para montar
  • 200 mg de chocolate branco
  • 12 follas secas de té verde de camelia
  • 20 ml de aceite de camelia
  • Sorbete de amorodo maduro

Preparación:

Por unha banda, secamos os pétalos da camelia, a 70 ºC durante 2 horas, en calor sen humidade. Xuntámolos coas follas de té verde de camelia e levamos o almíbar tpt a ebulición, apartamos do lume e infusionamos, durante 2 horas, as follas e os pétalos neste almibre, tapado con papel de aluminio.

Unha vez pasado este tempo coamos e emulsionamos co aceite de camelia

Para a ganache necesitamos derreter o chocolate coa nata ao baño maría, sen deixar que ferva. Unha vez derretido montar cunha variña. Deixar arrefriar na neveira, durante unha noite, dentro dunha manga pasteleira

Presentación:

Nun prato fondo repartimos a ganache en pequenas porcións e unha quenel do sorbete de amorodo maduro. Engadimos uns pétalos secos de camelia e un pouco de po de té verde de camelia. Para finalizar engadimos o almibre emulsionado de camelia