12.SABOREA A COMARCA DE DEZA
TERRAS DO INTERIOR
TERRAS DO INTERIOR
Atrévete a saborear a comarca de Deza, unha paisaxe de interior con extensas carballeiras e bosques de ribeira que conviven con castros, pazos, igrexas, mosteiros e pendellos. Descubrirás museos que conectan coa vida rural tradicional e que nos achegan á arqueoloxía, á arte e á gastronomía da comarca. Pasea por arquitecturas que nos trasladan séculos atrás e que nos falan de nobreza, relixión ou economía.
Atrévete a saborear a comarca de Deza nun percorrido que discorre polas localidades de Rodeiro, Dozón, Lalín, Silleda, Vila de Cruces e Agolada. De tradición gandeira e agrícola, Deza ofrece unha paisaxe con valores naturais e históricas moi relevantes. As extensas carballeiras ou os bosques de ribeira altérnanse con castros, pazos, igrexas, mosteiros e pendellos. Arquitecturas que nos trasladan ao pasado e que evocan nobreza, relixión ou economía do interior.
Museos que ilustran a vida rural tradicional, nos aproximan á arqueoloxía e á gastronomía da comarca, nos descobren a práctica da minería de wolframio en Fontao ou nos desvelan curiosidades, coma a dun sacerdote que, no século XIX, instalou un observatorio astronómico en Lalín.
Os pazos, cunha arquitectura señorial, manifestan a importancia da explotación agrícola e gandeira da comarca.
Os austeros mosteiros e igrexas son o testemuño do asentamento de comunidades relixiosas dedicadas a traballos agrícolas. Os pendellos, recintos que serviron de mercado, agora sen uso, foron animados lugares de encontro, e de compra e venda dos produtos do campo.
Completa a experiencia coa degustación da gastronomía desta terra, baseada en produtos do campo, dos montes e dos bosques, coma carnes, verduras, lácteos, viños, castañas ou mel. Destacan a carne da Bandeira e os queixos ecolóxicos da D. O. Arzúa-Ulloa, que son referencia nesta zona.
- 1 - Rodeiro
- 2 - Dozón
- 3 - Lalín
- 4 - Silleda
- 5 - Vila de Cruces
- 6 - Agolada
MUSEOS
-
Museo que difunde a vida rural en Galicia, desde os traballos no campo ata os oficios tradicionais.
Codeseda, 7, Doade, 36519 Lalín -
Situado nun edificio do século XIX, o museo mostra a residencia do sacerdote e científico, que instalou o primeiro observatorio astronómico en Galicia.
-
Exposición que mostra a cultura castrexa, as súas lendas e os valores da dieta atlántica, así como as peculiaridades da gastronomía e das festividades da comarca.
-
Narra la historia del municipio a través de objetos arqueológicos, elementos de Narra a historia do municipio a través de obxectos arqueolóxicos, elementos da vida tradicional e da obra pictórica de José Luis Vázquez.
Rúa A28, baixo, 36530 Rodeiro.
Cita previaTeléfono: +34 986 790 301 -
É un exemplo de patrimonio industrial que acolle un museo dedicado á explotación das minas de wolframio, especialmente durante os conflitos bélicos do século XX.
Praza Joaquín Basilio Bas, s/n, Fontao, 36583 Vila de Cruces.
Cita previaTeléfono: +34 986 582 259
OUTROS PUNTOS DE INTERESE
-
Fundado por Álvaro Núñez Taboada no século XVII, Emilia Pardo Bazán pasou longas tempadas neste pazo, no que destaca a súa balconada, aínda que tamén a capela, as casas para o servizo, dous fornos, un alpendre, un hórreo e un pombal.
-
Fundado no ano 939 sobre unha antiga ermida, desde as súas orixes o mosteiro recibiu importantes reliquias e estivo baixo a protección dos reis astures e leoneses.
-
Construcións que serviron de mercado e punto de encontro, datadas no século XVIII, exemplo de arquitectura tradicional e popular e inscritas como Patrimonio Inmaterial da UNESCO.
MOMENTOS GASTRONóMICOS
-
Esta Festa de Interese Turístico de Galicia, que ten lugar en agosto, é un dos eventos gastronómicos máis concorridos da comarca de Deza.
-
Ten lugar o domingo anterior ao domingo de Entroido e está considerada Festa de Interese Turístico Nacional. Os seus principais atractivos son o cocido e os produtos derivados do porco.
-
Festa de exaltación e degustación do xamón curado ou asado acompañado de pan e viño que ten lugar o 14 de agosto na parroquia lalinense de Bermés.
-
Esta Festa de Interese Turístico de Galicia ten lugar no mes de agosto e inclúe un concurso de empanadas, coas categorías de restaurantes e amas de casa.
-
Festa de Interese Turístico de Galicia que ten lugar en maio. É unha cita gastronómica na que se degusta este famoso produto xunto con actividades musicais e culturais.
ENCLAVES NATURAIS
-
Tamén chamada carballeira de Quiroga, é un espectacular bosque de carballos e castiñeiros que alcanzan os 30 metros de altura.
-
É un espazo de alto valor paisaxístico cunha gran fervenza, a máis alta de Galicia.
OUTROS PUNTOS DE INTERESE
- Mosteiro de San Pedro de Vilanova (Dozón)
Pertencente á orde benedictina, é unha construción do Románico tardío (séculos XII-XIII). A fachada é dunha gran sobriedade e no interior aprécianse detalles construtivos e unha cuberta de madeira.
- Pendellos da Gouxa (Dozón)
Conxunto de construcións do século XVIII que, desde a súa orixe, acollen feiras e mercados. A feira na Gouxa ten lugar os días 11 e 23 de cada mes, nela pódese degustar carne ao caldeiro e polbo.
[+] INFO - Área de recreo da Finca Mouriscade (Lalín)
Agradable contorno paisaxístico do río Asneiro, na parroquia de Vilanova, xunto a un conxunto de muíños de auga. Dispón de mesas e un alpendre para grellas.
[+] INFO
ENCLAVES NATURAIS
- Serra do Candán
A máis de 1.000 metros de altitude, unha ruta sinalizada percorre grandes espazos abertos e extensas carballeiras. Na súa cima, un miradoiro ofrece unha espléndida panorámica do municipio de Silleda.
[+] INFO - Sobreirais do Arnego
Espazo natural característico do bosque atlántico con influencias mediterráneas. Pódense percorrer desde bosques de carballos e sobreiras e bosques de ribeira no leito do río Arnego ata unha praia fluvial en Ponte Vilariño.
[+] INFO
