Cruceiro de A Capela

O cruceiro carece de plataforma e pedestal.  A columna, apoiada na terra a uns dous metros da capela, é de sección cilíndrica, moi grosa e lisa. na parte superior, a modo de capitel, un engrosamiento do fuste arredondado por encima lembra un símbolo fálico. A cruz, de sección rectangular, está asegurada cunha peza de ferro. O testeiro, moi pequeno, termina cunha cartela onde se le INRI.  A cabeza do Cristo, inclinada cara á dereita, ten unha coroa a modo de anel. A melena é longa e, máis que pelo, parece un pano que cae cubrindo os ombreiros e o brazo dereito por unha banda, queda pegada á cara polo outro. A Virgen, que mira á porta da fachada da capela, cóbrese cunha toca que cae ata un pouco máis abaixo da cintura. Debaixo dela apréciase un manto longo que deixa ver un vestido. Presenta unha actitude orante común en todas as Virxes das Dores