Cruceiro de O Meixueiro

O cruceiro, que ten tallado nun só bloque de pedra a columna, capitel e cruz, atópase sobre unha plataforma cadrada de tres banzos con acceso polo catro lados. O primeiro só ten subida pola fronte e a metade dun lado, estando o resto en liña co terreo. O pedestal, encaixado ata a base do terceiro paso, é cúbico e con arestas. A columna é cilíndrica e séguelle un capitel prismático dunha talla moi rustica. En cada cara móstrase unha cabeza de tipo pelado cun desgaste moi manifesto, sobre todo en dous delas.  A cruz, de sección rectangular e considerable grosor con remate de brazos e testero moi erosionado. Leva cartela de INRI. O Cristo está todo o pegado á cruz. Na cabeza, apréciase a coroa, barba e a cara moi triangular. No tronco nótanse as costelas; as pernas baixan paralelas e cruza o pé dereito sobre o esquerdo.  No reverso non ten imaxe, pero apréciase un medio óvalo no comezo da cruz