Cruceiro del campo

A plataforma, cadrada e de dous banzos, tería acceso polo catro lados de non ser pola varanda que a rodea. O pedestal, cúbico, con todas as súas arestas rebaixadas, ten pola fronte unha placa ovalada en posición horizontal. Na cara lateral esquerda, un nicho con San Antonio. Este nicho foi un antigo peto de ánimas, reconocible polos buracos feitos para encaixar e pechar unha porta. A cara de atrás era primitivamente, igual que a de diante, pero actualmente está tapada por unha lápida atornillada e pegada con cemento.  A columna é de sección cadrada, pasando a cilíndrica ata o seu final. Pegados a ela, en intervalos regulares, atópanse tres figuras pola cara da fronte. A primeira é San Pedro, con chave e libro. A segunda, Santa Lucía, que se recoñece pola palma e o prato cos ollos. A terceira, unha Virgen da Carmen con neno Jesús en brazos, escapulario e coroa.  O capitel consta dunha soa fila de grandes follas, lados curvos no ábaco, esquinas en chaflán e volutas debaixo.  A cruz é pequena, de sección cadrada, con cartela de INRI. Os brazos e o testero terminan tamén en cadrado, aínda que un pouco máis grandes que a sección da cruz.  O Cristo, pegado ao varal menos as pernas flexionadas, ten a cabeza caída sobre o peito. Aos lados do Cristo atópanse as figuras da Virxe e San Juan.  No reverso da cruz, unha Piedad ten como peana a cabeza dun anxo con ás