Fiesta del Gaiteiro de Soutelo de Montes

A festa celébrase todos os anos, de forma ininterrompida, desde 1979. Decenas de músicos de toda Galicia e dalgunhas comunidades galegas no exterior toman a localidade a ritmo de gaitas, tambores e pandereitas, e na praza dos Gaiteiros sucédense as actuacións musicais. Créase nela un clima moi singular, de pertenza á mesma cultura, que embarga o espírito de todos os presentes, e o recordo de Avelino Cachafeiro. Tras o pregón, o acto central da festa é a entrega das Medallas de ouro do Gaiteiro, que recoñecen o labor de persoas ou organizacións a favor da propia festa, da cultura popular e doutros aspectos da comarca de Tabeirós-Terra de Montes. Pola tarde ten lugar o Concurso de Gaita e Tambor Avelino Cachafeiro, no que se pon de relevo, pola calidade das interpretacións de novas promesas, o prestixio que ten esta festa no mundo da gaita. Recentemente, ademais, creouse a figura do embaixador anual da Festa do Gaiteiro. No acto de nomeamento faise entrega da faja de gaiteiro ó novo embaixador