Fogueiras de San Xoán
Pontevedra
Vigo Pontevedra
España
Ligada ás celebracións na que se festexaba a chegada do solsticio de verán, o rito principal consiste en acender unha fogueira. A súa finalidade é darlle máis forza ao sol, xa que os días se van facendo máis curtos ata o solsticio de inverno. Simbolicamente, o lume tamén ten unha función purificadora nas persoas que o contemplan. Levántanse e acenden cacharelas en cada casa, parroquia e barrio. Tamén se considera unha noite máxica, na que os vivos se comunican cos mortos e é o momento de espantar os malos espíritos: meigas e bruxas. Crese que saltar a fogueira trae protección e boa sorte. A comida típica dese serán son os cachelos, as sardiñas asadas e o pan de millo. En canto á bebida, destaca a queimada, que se queima nunha pota de barro e, mentres, se recita un feitizo. É unha festa estendida en todo o litoral galego.
