Pazo de Quintáns

Construído no século XVII (o seu fundador foi o abade de San Pedro de Vilalonga, Pedro de Paadín), é un edificio con planta en forma de L, rodeado por un maxestuoso muro de sillería de granito moi ben elaborado. Dispón dunha capela do século XVII declarada Ben de Interese Cultural e un gran hórreo. A planta deste Pazo disponse en escuadra e ten andar baixo e un piso. Na fachada principal destaca un balcón de pedra en voladizo ó longo da mesma, con varanda de madeira. Este balcón fai as funcións de solaina, pois está orientado ó sur e comunícase co interior da casa a través de dúas portas acristaladas. A fachada leste está comunicada co horto e tamén é destacable a porta de arco de medio punto do pequeno oratorio. O Pazo conta con dous escudos heráldicos: un entre as dúas portas que dan ó balcón, coas armas dos Valladares e os Padín, e outro posterior coas armas dos Rivera, os Figueroa, os Ulloa, as Torres e os Aponte. Antigamente foi unha torre integrada no Casal de Moldes, do Mariscal Suero Gómez de Sotomayor e na actualidade pertence a Pedro Castiñeiras Muñoz