A Aula da Natureza de Cotorredondo atópase no Parque da Natureza do Lago Castiñeiras, conformada por un equipamento de educación ambiental con información dispoñible sobre os distintos itinerarios e actividades que se poden realizar no parque, así como explicacións de carácter medioambiental e patrimonial da zona.

Numerosos son os atractivos turísticos que nos ofrece:

• Interesantes xacementos arqueolóxicos, mámoas e petróglifos do período Megalítico e da Idade de Bronce
• Rutas de sendeirismo (encontrarás paneis indicadores sobre os sendeiros distribuídos polo parque)
• O miradoiro de Cotorredondo, desde o que se poden contemplar a ría de Pontevedra, a enseada de San Simón, ría de Vigo e, os días despexados, a ría de Arousa

Un contorno forestal coma este atrae a ducias de especies de aves durante todas as épocas do ano, e tamén a mamíferos, cuxas pegadas delatan o seu paso polo lugar. Algunhas especies, coma o cervo, pódense ver desde os observatorios de fauna do parque.

O Parque da Natureza de Cotorredondo estrutúrase arredor do lago e dos seus regatos, o que o converte nun espazo no que coexisten especies autóctonas de moi distintas procedencias. Máis de 40 especies de árbores e arbustos, e tamén musgos, setas...

En definitiva, un lugar para descubrir e recordar