Conjunto Histórico - Artístico de Tui

Tui é capital dunha do sete antigas provincias do Reino de Galicia, e cidade espiscopal. Constitúe un singular exemplo de urbe medieval e levántase nun pronunciado promontorio coroado pola Catedral, desde onde parte un complexo labirinto de rúas medievais que se estende ata o río Miño. Un exambre de rúas estreitas con soportais que se arremuiñan ó redor da Catedral - Fortaleza, unha construción de estilo románico e oxival na que se atopan o Museo Catedralicio e o Museo Diocesano. Outros referentes culturais e turísticos son o Convento das Encerradas dos séculos XVII-XVIII, a capela de San Telmo, único exemplar do barroco portugués en Galicia, a igrexa de Santo Domingo de estilo gótico con retablos barrocos na que destaca a súa grandiosidade e o Convento de San Francisco dos séculos XVII-XVIII construido sobre os antigos palacios episcopais da Oliveira. Dentro da riqueza monumental destacan os restos da muralla do século XII erguida para a defensa da cidade. Tui tivo gran importancia na época sueva e visigoda, chegando a ser residencia de reis, e tamén un notable esplendor medieval, chegando a ser hoxe en día un dos conxuntos urbanos históricos mellor conservados de Galicia e que non se poden perder