Parque Natural de O Carreirón

É un lugar privilexiado para a vida das aves, o que lle valeu a catalogación dunha parte do seu territorio, Punta de Carreirón, como Zona Internacional de Especial Protección para las Aves e a súa integración no Parque Natural Complexo Internareal Umia - O Grove - A Lanzada - Punta do Carreirón e Lagoa de Bodeira. Contemplar unha garza pescando nunha marisma ou o espectacular voo dunha bandada de patos é unha experiencia que se pode vivir desde unha das dúas casetas especialmente deseñadas para o seguimento de aves en Punta Carreirón. A rica natureza da zona permite conservar unha gran diversidade de ecosistemas, desde os sistemas dunares, pasando polas marismas, as matogueiras, os piñeirais ou a impresionante paisaxe submarina do seu litoral. O Parque é unha península unida á illa polo tómbolo das Salinas, que mide 1,3 Km2 e que está en estado completamente puro, con carreiros que o percorren. A súa costa recortada dá lugar a diferentes calas, praias de area fina e puntas onde se poden ver diferentes formas erosionadas polo mar, a choiva e o vento, así como lagoas, marismas, e diferente flora e fauna, xa que é unha zona de paso de aves migratorias