Pazo de A Fraga

Trátase dun conxunto histórico do século XVI, integrado por Pazo, hórreo, eira, muíño, xardín e amplo terreo dedicado a viña, piñeiral e bosque poboado de árbores autóctonas. Presenta unha planta rectangular, un patio interior e ó carón unha torre con pináculos, que presenta nun dos seus costados unha garita sobre ménsulas. O portalón de entrada, adintelado, atópase enmarcado por un moldura plana, presentando na cornixa un copete que engloba ó escudo da familia Costas e Sarmiento, antiga propietaria. Tras a portada ábrese o patio, no que sobresae unha mesa de pedra de cantería, en torno ó cal se dispoñen o edificio principal e outras dependencias anexas. Son poucos os datos históricos que temos deste Pazo, xa que os seus arquivos foron roubados. Cabe destacar que neste Pazo estiveron aloxados o Gran Capitán Don Gonzalo Fernández de Córdoba e Maximiliano de Austria, emperador de México. O Pazo tamén realiza a función de casa rural e dispón de cinco habitacións dobres (dúas delas especiais) con calefacción, baño, teléfono, televisión e minibar