Torre de Miraflores

O Pazo de Miraflores ten pranta en forma de L, con torre que se eleva un piso máis e que remata con almenas e pináculos. A súa cheminea tamén conta con pináculos. Ademáis, posúe un escudo con armas dos Sarmiento, Valladares e Salgado, éste remite como a xeneralidade deste conxunto aos anos medios do século XVIII. Adosado ó marxe dereito da edificación hai un portalón almenado con cruz, que da acceso a un patio no que un sinxela escaleira de pedra conduce á vivenda e horta. Respeto ó fundador da Torre, coméntase que foi don Diego Sarmiento de Valladares, Inquisidor Xeral do século XVII, que presidiu o Auto de Fe máis aparatoso e espectacular celebrado en Madrid durante o reinado de Carlos II. Posteriormente, no ano 1713, viviu no pazo o fidalgo don Jácome Sarmiento de Valladares, "Capitán para a defensa da xente inimiga", pasado a finais do século XVIII á familia Pardo Bazán de Cambados por vínculos xurídicos e sanguíneos. Durante a segunda metade do século XIX, foi residencia de verán de Figueroa e Somoza, Condes de Pardo Bazán por dignidade do Pontífice Pío IX. Deste matrimonio , en 1851, naceu a que sería eminente escritora Emilia Pardo Bazán que viviu na Torre de Miraflores durante os veráns da súa nenez e dos que sempre gardou gratos e inolvidables recordos