Ermita de la virgen de los Milagros - Isla de Cortegada

Na Idade Media, consta que o rei Alfonso II doou á Igrexa esta illa que se atopa na ruta marítimo-fluvial a Santiago de Compostela. Máis tarde, nos séculos XIV e XV, cando Galicia era un mar de conflitos e estaba arrasada pola peste negra, o Santuario de Cortegada foi lugar de grandes peregrinacións. Desde 1526 a illa foi aforada pola Igrexa e nela construíuse un hospital lazareto. As xentes que se estableceron na illa situaron o poboado preto do peirao, e tamén a ermida en honra á Virxe dos Milagres e o hospital. Con motivo do declive económico que sufriu a ría no século XVIII, os concellos de Vilagarcía de Arousa e Carril decidiron doar Cortegada ó rei Alfonso XIII como lugar de residencia de verán, e así revitalizar a economía da ría. O trámite legal de doazón tardou varios anos en facerse definitivo, e en 1910, cando se entregou a escritura, xa estaba en construción o Palacio da Magdalena, en Santander. Desta forma, Cortegada quedou despoblada e posteriormente pasou a mans do Estado. Debido á súa gran riqueza natural e cultural, no ano 2002 incorporouse ao Parque Nacional Illas Atlánticas