Pazo de Barreiro

O Pazo de Barreiro ten unha estrutura que se corresponde cun Pazo defensivo, estratéxico, roqueño: fábrica de granito, paredes de gran espesor, ás laterais ou martelos, balconada monumental, escaleiras de pedra onde poden apreciarse as pegadas do tempo, troneras, patio pechado, capela, adarve, restos de defensas que imprimen ó conxunto o carácter de baluarte estratéxico nas distintas guerras vividas en España. Está situado nunha posición estratéxica, sobre a ladeira dun monte, dominando unha paisaxe de viñedos, aldeas e socalcos. A primeira edificación, a Torre do Coto, remóntase ó século XIV; a actual, pacificada a fronteira cos lusitanos e solar dos Troncoso Sarmiento de Lira e Sotomayor, é do século XVII. A páxina máis gloriosa viviuna na guerra da Independencia, sendo solar do mítico abade de Villar e Couto, Mauricio de Troncoso de Lira e Sotomayor Saco e Quiroga, caudillo do levantamento popular contra o exército de Soult. Este Pazo dispón de sete habitacións dobres e unha suite con capacidade para cinco persoas, todas elas equipadas con cuarto de baño completo e televisión