Pazo de Lourizán

Pazo galego obra do arquitecto Genaro de la Fuente. Nel viviu o político e avogado Montero Ríos. Conta cuns terreos de 54 hectáreas repartidos entre xardín, leira e arboledo con case 2000 exemplares de diferentes especies. Nos seus inicios, ó redor do s. XV, este Pazo foi unha granxa. Xa no s. XIX a leira foi adquirida polo político Eugenio Montero Ríos, quen a converte na súa residencia de verán e tamén nun importante lugar de encontro das personalidades máis influentes do momento. Nos seus salóns negociouse o Tratado de París, polo cal se cederon as illas de Cuba, Porto Rico, Filipinas e Guam. Conta cun xardín botánico de gran extensión e interese, con especies autóctonas e foráneas moi destacadas e nas súas instalacións albérgase o Centro de Investigacións Ambientais e Forestais de Lourizán, que ten por obxectivos principais a protección, conservación e avance do patrimonio forestal de Galicia