Castro Alobre

Situado en pleno casco urbano, en O Montiño, lugar que no pasado supoñía un promontoiro costeiro de clara situación estratéxica. As excavacións arqueolóxicas evidenciaron a súa gran riqueza, xa que presenta varios niveis de ocupación na fase final da Idade de Ferro, no século I a.C.  Os achados atopados ascendden a máis de 20.000 pezas de gran valor aqueolóxico, entre elas 240 elementos de bronce en gran estado de conservación: alfileres, moedas varias como un as de Augusto, emperador romano que gobernou entre o ano 27 antes de Cristo e o 13 despois de Cristo, ou un denario de prata pouco habitual en Galicia, elementos para o cabelo, restos dun anel, colgantes de bronce, hebillas de armaduras ou fragmentos de cerámicas de diferentes épocas e procedencias. O que sí está claro é que Alobre ainda estaba habitado entre os séculos IV e V e que o asentamente tiña unha gran vocación comercial, xa que se identificaron restos de morteiros béticos, material púnico, cerámicas itálicas e outros elementos procedentes da área mediterránea, debido ó gran intercambio comercial e fluído ó tratarse dun asentamento portuario