Castro de Castrolandín

O poblado fortificado de Castrolandín data de finais da Idade de Ferro, foi habitado entre os séculos IV a.C. e o século I d.C., época na que foi definitivamente abandoado pola chegada dos romanos, e a población desprazouse á vila de Cuntis, á ribeira do río Gallo un lugar ideal para crear as termas. O asentamento está formado por muralla, parapeto e coroa central, conta con máis de 1000 metros cadrados de xacemento excavado e musealizado. O Castro de Castrolandín ten asociado un Centro de Interpretación situado no casco histórico da vila de Cuntis, onde se mostra de maneira didáctica a forma de vida da cultura castreña. Conta, por exemplo, con varios muiños de grano da época, fogar ("lareira"), telar, exposición de pezas cerámicas e diverso material explicativo. Dispón ademáis dun Taller de Cerámica Castreña no que, dende a perspectiva da arqueoloxía experimental, estase realizando unha importante labor na recuperación de formas da cerámica tradicional castreña e máis concretamente da documentada en Castrolandín