Jardín Botánico Enrique Valdés Bermejo

Popularmente coñecido como Parque do Castriño, este pequeno parque semiurbano é o pulmón verde de Vilagarcía de Arousa. Este pequeno entorno natural exténdese ao longo de 12.000 metros cadrados, e a súa orixe remóntase aos anos trinta do século XX, cando os Duques de Terranova acordaron convertir parte dos seus terreos nun gran verxel, con variedades de especies exóticas que chegaban á vila dende diferentes puntos do planeta a través do porto. Toda esta riqueza botánica de Valdés Bermejo pasou desapercibida a ollos de moitos, visitantes e veciños, que descoñecen o autentico valor do entorno. Algúns dos exemplares de maior porte do xardín atópanse rexistrados coma únicos polo Centro de Investigacións Forestais de Lourizán, en Pontevedra. A todo iso súmase o muiño de vento, zonas de descanso e un regato que dotan ao lugar dunha singular beleza e de gran encanto. Antes de ser rebautizado co sobrenome de Enrique Valdés Bermejo, este xardín botánico era popularmente coñecido como Parque do Castriño por ubicarse aos pés do monte onde se asenta o coñecido Castro Alobre, considerado a cuna da actual Vilagarcía de Arousa. O xardín debe o seu nome á figura de Enrique Valdés Bermejo (1945-1999) farmacéutico e botánico asturiano asentado en Vilagarcía de Arousa