A Rías Baixas Film Commission está presente en Mundos Digitales, o congreso internacional de referencia centrado na animación, os efectos visuais (VFX) e as tecnoloxías dixitais aplicadas á industria creativa. O evento reúne a destacados profesionais do sector a través de conferencias e obradoiros arredor da produción de animación 3D, o desenvolvemento de proxectos audiovisuais, os últimos avances en VFX, a realidade virtual e aumentada, os videoxogos, a intelixencia artificial e outras tecnoloxías emerxentes.

A través desta acción, a Rías Baixas Film Commission reafirma o seu compromiso coa innovación, coa industria cultural e co desenvolvemento económico a través do audiovisual, consolidando a súa presenza nos foros de referencia internacional.