Turismo Rias Baixas

Está situado nun lugar privilexiado, cun excelente control do tráfico marítimo, zonas de fondeadoiro e preto de minas de estaño. No século II a. n. e. foi un importante centro de comercio, ademais dun asentamento dedicado ao marisqueo e á produción de salgaduras. Tamén se descubriu unha necrópole de época tardorromana xunto cun edificio que se interpreta como espazo de culto cristián.

Praia de A Lapa, Praia de Areas, Praia de Areas Gordas, Praia de Baltar, Praia de Canelas, Praia de Caneliñas, Praia de Major, Praia de Montalvo e Praia de Silgar

Padriñán, 65, 36960 Sanxenxo
+34 986 690 009

Lugar Pombal - Noalla, 1 Sanxenxo
+34 627 471 397

Evento nas festas patronais de setembro a honra de Santa Rosalía en Sanxenxo, na que as e os agricultores da zona instalan os seus postos no porto onde venden produtos da horta. Organízanse concursos da cebola máis grande, a restra máis longa ou a figura con cebolas máis orixinal.

Situado nunha antiga casa do século XVIII, mostra a cultura tradicional galega. Un percorrido polas estancias da casa permite coñecer como se vivía e como se estruturaba a familia no ámbito rural.

Instalado en dúas fábricas de salgadura ou salgadeiras rehabilitadas, pon en valor os procesos que se realizaban para conservar a sardiña en salmoira. Pódense visitar as pías exteriores, así como un espazo expositivo que divulga a importancia da pesca, do marisqueo, da salgadura e da conserva.

Mostra a riqueza biolóxica e ecolóxica dos mares de Galicia e divulga a relación entre o mar e o ser humano, así como a necesidade da conservación do patrimonio mariño.

Situado no cume do monte Siradella, brinda unha panorámica de extraordinaria beleza. O centro difunde e informa dos valores do Espazo Natural Protexido Complexo Intermareal Umia-O Grove, A Lanzada, punta do Carreirón e lagoa Bodeira.

Situado entre os límites da baixamar e a preamar, é un espazo protexido de alto valor ecolóxico. Trátase de áreas pouco profundas que constitúen zonas húmidas propicias para a hibernación dunha gran variedade de aves.

Festa de Interese Turístico Nacional que ten lugar en outubro e na que se degustan mariscos galegos a prezos populares. Destacan as racións de mexillón de batea e de rodaballo de acuicultura, pero tamén de nécora, camarón, cigala, ostra, vieira, ameixa ou percebe.

Construción mariñeira que mostra a importancia da pesca na localidade de Cambados, unha actividade económica moi arraigada. É a mellor forma de coñecer a vida dos pescadores.
Pechado temporalmente

Foi o primeiro museo dedicado ao viño de Galicia, situado nunha antiga casa reitoral. A colección etnográfica é o fío condutor para descubrir a vitivinicultura das Rías Baixas, as características dos terreos, as variedades cultivadas, o proceso de elaboración e a cultura popular relacionada co viño.

Pequena edificación mariñeira que foi o fogar natal do coñecido como “poeta dá raza”. As influencias que recibiu, os testemuños, curiosidades e os obxectos achégannos ao poeta galego máis importante das Irmandades da Fala.
Pechado temporalmente

Localidade coñecida como capital do albariño, con casas señoriais, casaróns e monumentos en granito, xurdida da unión de tres poboacións: Fefiñáns, envolta de carácter nobre; Santo Tomé, un barrio mariñeiro; e o propio barrio de Cambados, onde conviven praias, rúas empedradas e as ruínas de Santa Mariña de Dozo.

Foi construído na enseada de Cambados no ano 1662 por Gonzalo de Valladares, señor de Fefiñáns, aproveitando o fluxo-refluxo das mareas. Actualmente é un museo que mostra o legado cultural e popular das Rías Baixas.
Cita previa (+34 986 520 786)

Construído no século XVI por Juan Sarmiento Valladares, conselleiro do rei Felipe II. Destacan os grandes balcóns circulares nas esquinas do edificio e a decoración renacentista sobre as xanelas. Acolle unha recoñecida adega de viño albariño, a primeira que comercializou viño da marca Denominación de Orixe Rías Baixas.

Este camposanto da vila cambadesa, un dos máis rechamantes e bonitos de Galicia, atópase no monte da Pastora. Foi declarado Monumento Histórico Artístico e está incluído no catálogo da Asociación de Cemiterios Singulares de Europa.

Lugar de Covas de Lobos, 104, Vilariño, 36633 Cambados
+34 986 54 25 70

Refoxos, s/n, Corvillón, 36630 Cambados
+34 986 520 886

Pazo de Fefiñáns, 36630 Cambados
+34 986 52 48 77 / +34 660 078 252

Plaza de Fefiñáns, s/n, 36630 Cambados
+34 986 524 877

Burgáns, 91, Vilariño, 36633 Cambados
+34 986 526 040

Sartaxes, 8, Castrelo, 36639 Cambados
+34 669 086 569

Festa de Interese Turístico Internacional que ten lugar en agosto e na que as adegas poñen á venda os seus viños para a súa degustación. Realízase o Concurso do Albariño, onde participan as adegas que aspiran a converterse no mellor viño Rías Baixas da última anada. A festa acompáñase dunha variada programación cultural.

Festa de Interese Turístico de Galicia, que ten lugar en xullo, na que se pode degustar a vieira preparada de varias maneiras. Tamén se organizan espectáculos e múltiples actividades.

Está instalado na antiga conserveira de Goday, a primeira fábrica industrial de Galicia, que data do século XIX. A visita achéganos ao proceso produtivo dunha conserveira e á súa historia. Moi preto atópase o antigo Peirao de Pau, unha fábrica de salgadura que tamén pertenceu á familia Goday.

Construíuse en 1852 e deixo de funcionar a principios do século XX. Actualmente alberga un restaurante desde o que se poden admirar unhas amplas vistas da ría de Arousa.

Paraxe natural que pertence ao Complexo Intermareal Umia-O Grove. É unha zona húmida de especial protección de aves. A costa debuxa calas, praias de area fina, lagoas e marismas con abundante fauna e flora.

Ruta que percorre a punta do Carreirón e o amplo areal da praia de Salinas e que permite observar pilros, pequenas aves migratorias.

É o punto máis alto da Illa de Arousa (63 m), desde o que se pode contemplar unha panorámica de toda a illa e as localidades de Vilagarcía de Arousa , Vilanova de Arousa, Cambados, Meaño, Sanxenxo e O Grove. Está coroado cunha escultura do Corazón de Jesús O Santo do ano 1962.

Evento gastronómico que ten lugar en agosto, con postos no paseo marítimo do Xufre nos que se poden degustar ameixas, camaróns, berberechos, polbo…

Está situado na Casa do Cuadrante, un edificio de arquitectura tradicional que foi propiedade dos avós maternos de Valle-Inclán e onde, supostamente, naceu o escritor. Móstranse coleccións bibliográficas, manuscritos orixinais e outros documentos relacionados con este autor.

Casona do século XV, reformada a principios do XX por un emigrante galego retornado de Arxentina e reconvertida en fábrica leiteira nos anos 70. Actualmente é unha adega onde poderás degustar os viños de Denominación de Orixe Rías Baixas da subzona do Salnés.

Festa de Interese Turístico de Galicia que ten lugar en agosto e na que se poden degustar os principais produtos extraídos da ría de Arousa: o mexillón e o berberecho.

En 1873 O Carril, parroquia do municipio, converteuse na terminal do primeiro camiño de ferro de Galicia, liña Cornes-Carril, e aquela primeira estación alberga hoxe o museo ferroviario.

A casa, construída no século XVIII, edificouse sobre unha fortaleza de época medieval. Hoxe en día mantense a explotación agroforestal, que conta co viñedo máis extenso da comarca, e dispón dun interesante xardín, no que destacan as magnolias e as camelias.

Festa de Interese Turístico de Galicia que ten lugar en agosto no porto do Carril, con tradición histórica e na que se poden degustar ameixas criadas nos areais da localidade acompañadas de viño albariño.

Complexo monacal escondido nun contorno de vexetación frondosa. Fundado entre os anos 1149 e 1162, foi abandonado en 1837 para volver ser habitado en 1989 por unha pequena comunidade de monxas. Ten un importante valor patrimonial e dispón de hospedería.

Esta casona do século XIV presenta unha sólida fachada de perpiaños de pedra, un hórreo, un forno de pan, unha adega, un pombal, un cruceiro e unha capela na honra de san Xaquín e santa Ana. Actualmente explota 10 hectáreas de viña de albariño que producen viño de gran calidade.

Casa de labranza do século XVIII que acolle un dos xardíns privados máis importantes de España, deseñado en 1970 pola arquitecta paisaxística Brenda Colvin. Está integrado na Ruta das Camelias e forma parte de Les Belles Maisons, unha exclusiva colección de casas particulares para eventos únicos.

Festa que ten lugar en xullo, mostra a tradición rural e agrícola da localidade con postos de artesanía e produtos do campo. Organízanse xogos tradicionais e a exposición de animais de granxa.

Asentamento da Idade do Ferro fortificado situado sobre un esporón e cun amplo dominio do val final do río Umia. Foi no século III a. n. e. cando as murallas se monumentalizaron e as casas, formadas por varias construcións, se volveron máis complexas.

Foi construído no ano 1790 e é un exemplo de arquitectura neoclásica. Destacan dous hórreos de pedra dos séculos XVIII e XIX e dous cruceiros. Os seus amplos xardíns, rodeados de viñedos de albariño e dun pequeno bosque, reúnen especies exóticas e máis de 1.500 variedades de camelias.

A ruta, de 7 quilómetros, discorre polas beiras do río Armenteira e pasa polos muíños de Barrantes, os muíños de Serén e a Aldea Labrega (Meis) para finalizar no mosteiro de Santa María da Armenteira. É unha excursión entre ríos, natureza e arquitectura.

Situado no pazo de Lis, mostra a importancia da muller no mundo rural galego a través de diversas temáticas como a organización familiar, a economía doméstica e as relacións sociais, así como os traballos produtivos ao seu cargo: a elaboración do pan, a transformación do liño ou a costura.

Cabeiro, San Martiño de Meis, s/n, 36637 Meis
+34 986 680 868

Lugar de Vilanoviña, 30, Paradela, 36616 Meis
+34 986 715 373

Avenida Caponiñas, 14, Barrantes, 36636 Ribadumia
+34 600 02 06 27

Lugar de Valdamor, 18, Xil, 36968 Meaño
+34 986 747 779

O Pazo, 11, Xil, 36968 Meaño
+34 986 747 473