05.SABOREA VIGO
ARTE E CIDADE
ARTE E CIDADE
Vigo, unha cidade dinámica na que conviven a tradición mariñeira e a actividade industrial e comercial, convídate a esculcar a súa diversa oferta cultural. Explora a cidade, pasea polas súas rúas e prazas, algunhas tranquilas e outras cheas de vida, e goza da súa arquitectura e dos seus museos, que che ofrecen desde as obras máis vangardistas ata os obxectos máis tradicionais. En definitiva, descubre un verdadeiro mosaico cultural ao alcance da túa man.
Durante a túa estancia en Vigo saborea a cultura e a arte dunha cidade aberta, activa e atractiva. Vigo fusiona a tradición mariñeira co seu presente máis transformador, baseado na industria, na importancia do tráfico marítimo do seu activo porto e na actividade comercial. No ámbito da cultura Vigo tamén fai compatible a convivencia entre a súa tradición e a creación artística contemporánea.
Apaixónate coa arte e visita museos como o MARCO, un escaparate das creacións artísticas máis vangardistas, ou o Museo Municipal de Vigo Quiñones de Léon, que, situado nun antigo pazo, te achega á historia da cidade e mostra unha espléndida colección artística dos séculos XVII e XVIII. Empápate da cultura galega na Fundación Laxeiro, que presenta un excelente percorrido pola arte galega do século XX, e visita o Museo Etnográfico Liste, que te achega á esencia da vida tradicional galega.
Non deixes de perderte pola cidade para descubrir desde palacetes medievais ou renacentistas ata emblemáticos edificios construídos durante a segunda metade do século XIX, un período de gran prosperidade económica. Busca a brisa mariña e pasea preto da ría, navega entre bateas de mexillóns ou visita barrios de esencia mariñeira.
- 1- Vigo
MUSEOS
-
Situado no contorno da praia de Samil, é un museo interactivo que trata todos os ámbitos relacionados coa comunicación humana; deseñado como un espazo cultural, lúdico e divulgativo no que se pode participar de xeito activo nos elementos expositivos.
-
O museo, que expón a colección do etnógrafo Olimpio Liste Regueiro, ofrece unha visión do patrimonio etnográfico galego a través de máis de 2.000 pezas que nos achegan aos traballos artesanais, aos oficios desaparecidos, ás tarefas do campo, á relixión ou á medicina popular.
-
Conserva e expón a colección que o pintor Xosé Otero Abeledo (1908-1996), coñecido como Laxeiro, lle doou á cidade de Vigo. A súa obra, representativa do Movemento Renovador da Arte Galega, mostra un percorrido cronolóxico pola pintura galega do século XX. A fundación tamén organiza exposicións temporais.
-
O museo presenta unha oferta e unha programación multidisciplinar e acolle todos os formatos artísticos actuais (artes plásticas, arquitectura, vídeo, deseño e cinema). Un atractivo máis da visita reside na remodelación do propio edificio, que foi cárcere e sede dos xulgados de Vigo.
-
O museo, aberto desde o ano 1937, ocupa un antigo pazo rodeado de xardíns con magníficas camelias. Respírase o ambiente da antiga residencia coa exhibición de obras de pintura europea dos séculos XVII e XVIII e, nun edificio anexo, os obxectos trazan a historia de Vigo e da súa comarca desde a Prehistoria ata a Idade Media. Tamén se pode visitar a espléndida sección de pintura e escultura galegas desde finais do século XIX ata a actualidade.
OUTROS PUNTOS DE INTERESE
-
Proxectado polo arquitecto Jenaro de la Fuente, foi inaugurado no ano 1898. Ten unha planta rectangular, con corredores que debuxan 16 zonas e uns amplos xardíns con 14 especies de árbores. Ostentosos panteóns nos que repousan personaxes ilustres da cidade conviven con sinxelos sepulcros, algúns anónimos.
-
Palacete urbano do século XV, considerado o edificio máis antigo conservado na cidade. De estilo gótico tardío, presenta un aspecto de torre medieval. Destacan os linteles das xanelas, as gárgolas de pedra e os escudos de armas.
-
O núcleo histórico de Vigo presenta grandes atractivos. A súa orixe arrinca dunha pequena aldea que se converteu nunha gran cidade grazas á industrialización. O itinerario máis atraente parte da Porta do Sol e percorre a arquitectura ecléctica das rúas Urzáiz, Colón, Príncipe, Areal ou Policarpo Sanz. Tamén destacan o edificio Bonín, de Jenaro de la Fuente, e o Teatro García Barbón, de Antonio Palacios. Recoméndase visitar a praza da Constitución e non deixar de ver a zona antiga, pasando pola rúa dos cestos e a concatedral de Santa María.
-
Palacete urbano anexo á Casa de Ceta, que foi edificado no século XVI seguindo o estilo renacentista plateresco. Predominan o balcón sobre un apoio de molduras, as gárgolas, o escudo nobiliario e os arcos decorados das ventás.
-
Edificado por Jenaro de la Fuente y Domínguez para Manuel Bárcena Franco entre 1879 y 1884, de granito e de estilo ecléctico, é un dos edificios máis representativos da cidade. As súas salas de exposicións acollen, segundo os expertos, a mellor colección de arte galega do mundo.
-
Entidade creada en 1966 por Pedro Barrié da Maza para a mellora das condicións económicas e sociais de Galicia. Está situada no antigo edificio do Banco de Vigo, proxectado polo arquitecto Manuel Gómez Román e construído entre 1919 e 1923. Entre outros proxectos, organiza exposicións, seminarios e concertos.
ENCLAVES NATURAIS
-
Situado no centro e no punto máis elevado da cidade de Vigo, é un miradoiro excepcional á cidade e á ría, rodeado dun frondoso xardín. Conserva os restos dun poboado castrexo datado entre os séculos III e I a. n. e.
-
O arquipélago de Cíes, situado na boca da ría de Vigo, está formado por tres illas montañosas de gran valor ecolóxico: Monteagudo, O Faro e San Martiño. Representa un excelente observatorio de fauna e flora.
OUTROS PUNTOS DE INTERESE
- Spa NagariPraza de Compostela, 21, 36201 Vigo
Teléfono: +34 986 21 13 14[+] INFO
MOMENTOS GASTRONóMICOS
- A lonxa de Vigo (Vigo)
Baixo petición e para grupos ofrécese a posibilidade de visitar a lonxa de Vigo e seguir en directo a poxa de peixe fresco.
- Degustación de ostras (Vigo)
Como o seu nome indica, na rúa das ostras diversos establecementos ofrecen este molusco ao natural.
- Antigo barrio mariñeiro do Berbés (Vigo)
Barrio de tradición mariñeira onde en orixe se situaban os varadoiros e os almacéns para gardar as embarcacións ou os apeiros de pesca. Posteriormente ocupárono casas de mariñeiros. Nas pequenas prazas e soportais outrora realizábanse os labores relacionados coa pesca.
[+] INFO
