Basílica de Santa María la Mayor

A Basílica de Santa María a Maior é o orgullo da cidade, ademais do símbolo de poder do Gremio de Mareantes na Idade Media. Trátase dun dos mellores exemplos do gótico de Galicia, con pequenas trazas do estilo manuelino portugués, e declarado BIC no ano 1931. Concibida como un gran retablo en pedra, Cornelius de Holanda e Joâo Nobre foron os artífices desta fachada onde se unen o plateresco e o manuelino, con abundante iconografía, e varias pezas interesantes como San Jerónimo con lentes, autorretratos dos autores da portada, e mesmo un retrato en escultura do mismísimo Cristóbal Colón. Ademais, no acceso lateral atópase o Cristo da Boa Viaxe, patrón do Gremio de Mareantes, a quen os mariñeiros acudían a rezar a altas horas da madrugada antes de saír ó mar. O templo consta de 3 naves con bóveda de crucería, e destaca o altar maior do século XX, cunha imaxe da Asunción da Virxe no centro rodeada de anxos e apóstolos. Nas capelas laterais destacan os altares de Santa Rita, a Virxe da Carmen e San Antonio. A torre das Campás ten unha escaleira con máis de cen gradues que terminan nun recinto museístico e un miradoiro con vistas ó centro histórico e á ría de Pontevedra