Castro de Troña

Recinto amurallado con forma oval que presenta amplas terrazas na pendente oeste e ancho foso excavado na pedra polo nacente. Posiblemente este castro estivo habitado moitos séculos antes, pero os restos das edificacións conservadas datan de pouco máis de seiscentos antos antes de Cristo, debido ó comezo do uso da pedra como material de construcción nesta época. Como moitos asentamentos castrexos de Galicia, o Castro de Troña tivo o seu esplendor hacia os séculos I a.C. e II d.C. Os eixes principais deste castro miden aproximadamente 200 m en dirección este-oeste e 150 en dirección sur-norte. Posúe un complexo sistema defensivo composto por muralla, foso e parapetos. O grosor destas murallas é entre 5,5m e 1,5 e a súa altura varía entre 2 e 5m. Cabe destacar o torreon que posúe a primeira muralla na súa parte este, un dos poucos exemplares que se coñecen deste tipo no noroeste peninsular.  No nacemento do castro existe un fondo foso de 18 m de altura e 10 m de ancho. Está excavado en rocha e actualmente pasa por él a estrada de acceso ó castro. Completan este sistema defensivo dous parapetos formados en pedra e terra, que protexen o castro polo seu lado noreste, ten unhas medidas reducidas: 6m de lonxitude e 3m de altura. No Castro de Troña atopamos ó redor de 30 construcións excavadas. Son de variada tipoloxía puidendo observaro construcións de planta circular, elíptica, cadrada e rectagular. Cabe destacar o importante petroglifo que presenta unha serpe en posición heráldica, Serpe de Troña, que se atopa gravado na cara vertical dunha rocha que forma parte dunha construción castrense