DESCUBRIR
Pazo Quinteiro da Cruz
A Cruz, 88, San Fins de Lois
36635 Ribadumia Pontevedra
España
Weather information is temporarily unavailable.
Quinteiro da Cruz está situado na parroquia de Lois, no concello de Ribadumia, en pleno val do Salnés. O conxunto, coñecido na actualidade como Pazo Quinteiro da Cruz, ten a súa orixe nunha antiga casa de labranza do século XVIII.
A propiedade conserva diferentes construcións e elementos de interese patrimonial e etnográfico, entre os que se atopan hórreos de pedra, unha capela, un pombal, lavadoiro, alpendre porticado, lareira e lagar, ademais de fontes, reloxos de sol e outros elementos ornamentais.
Nos anos setenta do século XX, a propiedade foi adquirida pola familia Piñeiro Lago. A partir dese período leváronse a cabo actuacións de restauración e desenvolvemento paisaxístico e botánico que contribuíron á configuración actual do conxunto.
Un dos seus principais atractivos son os seus xardíns, cunha destacada colección de camelias e numerosas especies de interese botánico e ornamental. O xardín conta co recoñecemento de Xardín de Excelencia Internacional da Camelia.
A propiedade conta tamén con viñedos de uva albariña e adega, e na actualidade funciona como recurso visitable e espazo para a realización de diferentes actividades e eventos.
Vilagarcía de Arousa
- Imaxe
- Imaxe
- Imaxe
- Imaxe
