Playa fluvial de Vilarello

Esta paraxe permite achegarse ó río Ulla xa preto da desembocadura, onde o río se mostra tranquilo, canso. Aproveita para depositar algúns dos sedimentos que transporta ó longo do seu percorrido, dando orixe a depósitos aluviais a modo de illas no medio do río e a pequenas praias nas súas marxes. Área próxima ás marismas do Ulla, a flora e a fauna deste particular hábitat constitúen ecosistemas de gran valor ecolóxico: as brañas, as veigas e os xuncos converten a desembocadura do Ulla nunha zona de Interese natural incluída na Rede Natura 2000 baixo o epígrafe de Lugar de Importancia Comunitaria (LIC) Sistema fluvial Ulla-Deza. O acondicionamento e instalacións da zona convértena nunha área recreativa de lecer para os visitantes, con cafetería, zona de grellas e mesas, un parque infantil, zona de baño, grandes extensións de céspede e mesmo un auditorio ó aire libre. Conta con servizo de socorrismo en tempada