Turismo Rias Baixas

Situado no castelo de Salvaterra, difunde a tradición vitivinícola galega, en especial da D. O. Rías Baixas.

Construción orixinaria da Idade Media, este recinto amurallado con distintas dependencias constitúe unha envexable atalaia sobre o río Miño.

Están situadas nunha ampla paraxe natural, contan con varias pozas termais ao aire libre. Recuperáronse unhas antigas termas recoñecidas polas propiedades curativas do manancial de Teáns.

Descubre o patrimonio natural, histórico e arquitectónico da parroquia de Taboexa.

Unha paisaxe salpicada de afloramentos de granito onde os homes e as mulleres do Neolítico e da Idade do Bronce expresaron as súas crenzas e, probablemente, marcaron o seu territorio, mediante o gravado de figuras zoomorfas, espirais ou motivos reticulares.

A situación deste castro fai que sexa visible desde calquera punto do val do río Tea, e ten por ese motivo unha grande visibilidade sobre a zona circundante. Ademais desta importancia estratéxica fixéronse neste castro importantes descubrimentos de materiais, entre os que destacan algunhas figuras de bronce romanas.

É probable que as pesqueiras ou pescos que hai na beira do río Miño sexan de época romana. Conforman un patrimonio único que se segue utilizando e que consiste en construcións de pedra en forma de paralelepípedos que provocan correntes e facilitan a captura de distintas especies de peixes de río, fundamentalmente o salmón, a lamprea e a zamborca. Existe unha ruta sinalizada que percorre un pequeno tramo do río Miño con pesqueiras.

Festa de Interese Turístico de Galicia con máis de medio século de tradición, que ten lugar no mes de agosto e na que os viños de Salvaterra de Miño se acompañan da degustación doutros produtos da zona.

Lugar da Muguiña, Arantei, 36458 Salvaterra de Miño

Porto de abaixo, 10, 36453 Salvaterra de Miño

Bouza do Rato, s/n, 36449 As Neves

Festa gastronómica dedicada ao viño espumoso, unha produción singular elaborada maioritariamente con uva albariña e que pertence á Denominación de Orixe Rías Baixas. Ten lugar na primeira fin de semana de decembro.

Festa de Interese Turístico de Galicia, que ten lugar no mes de marzo, dedicada a unha sobremesa de longa tradición nesta localidade. A súa orixe sitúase no século XII e crese que era o alimento que se lle daba aos peregrios.

Situado nunha antiga fábrica de curtidos, ofrece un percorrido pola historia da comarca, dá a coñecer os fillos ilustres do municipio, mostra a obra artística de autores locais e pon en valor a festividade de Corpus Christi, moi arraigada en Ponteareas.

Desde a cima, a 387 metros de altitude, obtense unha vista panorámica do val do río Tea e do castelo de Sobroso. Onde anteriormente había un castelo medieval levántase unha gran cruz que marca o final dun Vía Crucis.

Situado na cima do monte Landín, a súa orixe sitúase no século XII aínda que foi reconstruído no século XIV como unha das fortificaciones máis impoñentes de Galicia.

Afloramientos graníticos con petróglifos, realizados hai 4.000 anos, con deseños cruciformes, zoomorfos, círculos concéntricos, figuras humanas…

Poboado da Idade do Ferro protexido por unha sólida muralla, un singular torreón, un foso escavado na roca e varios parapetos. No seu interior recuperáronse máis de 30 vivendas. Consérvase un petróglifo que representa unha serpe e que a tradición popular denomina Serpe de Troña.

O Balneario de Mondariz conta cun atractivo campo de golf de 18 buracos cun percorrido divertido e esixente, integrado nun contorno natural e que é todo un referente entre os campos de golf de Galicia.

Xa en época romana eran coñecidas as propiedades das fontes do lugar e no século XIX foron descubertas polo Dr. Peinador Vela, que construíu un dos balnearios de España de máis prestixio. Tamén innovou na comercialización de auga mineral envasada.

As rosquillas de Ponteareas son un dos produtos gastronómicos con maior reputación da localidade. Habitualmente son de follado e moi crocantes.