Turismo Rias Baixas

Baixo petición e para grupos ofrécese a posibilidade de visitar a lonxa de Vigo e seguir en directo a poxa de peixe fresco.

Iniciativa da Asociación Nacional de Fabricantes de Conservas de Peixes e Mariscos para difundir a importancia e a evolución dun dos sectores empresariais con máis historia de Galicia: o sector da conserva, unha industria pioneira na que a sardiña é a protagonista.

É a vila costeira de época romana máis importante do noroeste peninsular, que, situada nun pequeno cabo fronte á illa de Toralla, se dedicou principalmente á explotación dos recursos mariños. Descubríronse unha área de traballo, unha residencia e un complexo termal. Divulga a actividade na vila e mostra os obxectos arqueolóxicos recuperados.

Situado nunha antiga fábrica conserveira, mostra a bioloxía e os ecosistemas mariños a través dun acuario e presenta a explotación e a transformación dos recursos mariños e pesqueiros. No interior do museo consérvanse os restos do castro da Punta do Muíño do Vento.

Barrio de tradición mariñeira onde en orixe se situaban os varadoiros e os almacéns para gardar as embarcacións ou os apeiros de pesca. Posteriormente ocupárono casas de mariñeiros. Nas pequenas prazas e soportais outrora realizábanse os labores relacionados coa pesca.

Situado no centro histórico de Vigo, expón os valores naturais e culturais das illas atlánticas. Os ecosistemas, a biodiversidade ou a pesca tradicional son algunhas das temáticas tratadas. islas atlánticas. Los ecosistemas, la biodiversidad o la pesca tradicional son algunas de las temáticas tratadas.

Como o seu nome indica, na rúa das ostras diversos establecementos ofrecen este molusco ao natural.

O parque está formado por máis de 8.480 hectáreas, das cales 7.285 son mariñas e o resto terrestres. Está composto por catro arquipélagos: Cortegada, Sálvora, Ons e Cíes, que actúan de barreira natural das rías ante o océano e nos que se conserva unha biodiversidade terrestre e mariña de alto valor natural.

O arquipélago de Cíes, situado na boca da ría de Vigo, está formado por tres illas montañosas de gran valor ecolóxico: Monteagudo, O Faro e San Martiño. Representa un excelente observatorio de fauna e flora.

Desde a estación marítima da ría de Vigo existen diversas opcións para realizar un paseo en barco e visitar as illas Cíes ou as localidades mariñeiras do outro lado da ría, coma Moaña ou Cangas, no Morrazo.

É a única salina mariña de evaporación solar de época romana conservada e musealizada en Galicia. Trátase dunha importante factoría, con cubetas moi ben conservadas, que abasteceu de sal as industrias da salgadura. O centro mostra obxectos relacionados e explica o proceso de obtención de sal.

Festa de Interese Turístico de Galicia que ten lugar durante a primeira fin de semana de abril, con degustacións de ostras ao natural, en empanada ou en escabeche.

Montículo que, preto do río Verdugo, ofrece un dominio visual excepcional da entrada da ría de Vigo, das súas ribeiras e mesmo das illas Cíes. Acháronse a necrópole megalítica de Cortello dos Mouros e a Mámoa do Rei. Foi ocupado por un castro da Idade do Ferro e, no ano 1477, o bispo de Santiago, Alonso Fonseca, construíu un castelo. Posteriormente, na súa cima construíuse unha ermida dedicada á virxe da Peneda.

Edificado no século XII, foi ampliado no século XV e remodelado como residencia no século XIX. É unha das fortificaciones mellor conservadas de Galicia e durante a visita descóbrese a historia da fortaleza e das apaixonantes vidas dalgúns dos personaxes que o habitaron, como Pedro Madruga, o marqués de La Vega de Armijo ou María Vinyals. Está rodeado por un xardín que en 2012 obtivo o recoñecemento de Xardín de Excelencia Internacional da Camelia.