O Sistema Integral de Calidade Turística Española en Destinos (SICTED) ten como obxectivo mellorar a experiencia das e os turistas nun destino. É un proxecto da Secretaría de Estado de Turismo, á que está adherida a Deputación de Pontevedra a través do destino Rías Baixas-provincia de Pontevedra. 

O selo do SICTED valora e acredita a calidade dun total de 37 tipos de servizos turísticos, que ven así recoñecido o seu esforzo e o seu compromiso coa calidade. Do mesmo xeito, representa unha vantaxe competitiva e de diferenciación fronte a outros axentes do sector.

Así, o distintivo Compromiso de Calidade Turística busca favorecer un nivel de calidade homoxéneo nos servizos que ofrece un mesmo destino ás e os turistas, de modo que teñan unha percepción e satisfacción global dos diversos axentes que o compoñen.

Este distintivo supón unha oportunidade para consolidar o destino Rías Baixas como un referente en calidade turística e para mellorar o posicionamento do propio destino e dos servizos que ofrece.

Na actualidade, máis de trescentas empresas da provincia de Pontevedra foron recoñecidas polo SICTED desde a primeira acreditación, recibida en 2006.

O distintivo Compromiso de Calidade Turística presenta unha validez bienal, condicionada a unha avaliación anual de seguimento e á superación de avaliacións completas. Para logralo, a empresa ou o servizo turístico debe obter unha valoración positiva dos requisitos fixados.

En primeiro lugar, o axente turístico interesado debe desenvolver a súa actividade no destino Rías Baixas-provincia de Pontevedra, excepto as empresas ou os servizos turísticos pertencentes aos seguintes concellos:

• Baiona, destino que conta co seu propio ente xestor
• Sanxenxo, destino que conta co seu propio ente xestor 
• Agolada, integrado no destino Terras de Pontevedra Norte-Deza-Tabeirós
• Vila de Cruzamentos, integrado no destino Terras de Pontevedra Norte-Deza-Tabeirós
• Rodeiro, integrado no destino Terras de Pontevedra Norte-Deza-Tabeirós
• Silleda, integrado no destino Terras de Pontevedra Norte-Deza-Tabeirós
• Lalín, integrado no destino Terras de Pontevedra Norte-Deza-Tabeirós
• Dozón, integrado no destino Terras de Pontevedra Norte-Deza-Tabeirós
• Forcarei, integrado no destino Terras de Pontevedra Norte-Deza-Tabeirós
• A Estrada, integrado no destino Terras de Pontevedra Norte-Deza-Tabeirós
• Ponteareas, integrado no destino Terras do Condado-A Paradanta
• Mondariz, integrado no destino Terras do Condado-A Paradanta
• Mondariz-Balneario, integrado no destino Terras do Condado-A Paradanta
• Arbo, integrado no destino Terras do Condado-A Paradanta
• A Cañiza, integrado no destino Terras do Condado-A Paradanta
• As Neves, integrado no destino Terras do Condado-A Paradanta
• Covelo, integrado no destino Terras do Condado-A Paradanta
• Crecente, integrado no destino Terras do Condado-A Paradanta
• Salvaterra de Miño, integrado no destino Terras do Condado-A Paradanta
• Salceda de Caselas, integrado no destino Terras do Condado-A Paradanta

Por outra banda, o servizo prestado polo axente debe poder englobarse nun dos 37 oficios avalados por este compromiso. As empresas interesadas deben cumprimentar un formulario de solicitude de adhesión, dispoñible a través da páxina oficial do SICTED ou da do Servizo de Turismo da Deputación de Pontevedra.

A Diputación de Pontevedra ofrece ás empresas e aos servizos turísticos participantes un proxecto de asesoramento e formación continua que se complementa coa análise do cumprimento dos estándares de calidade requiridos e coa proposta de posibles melloras para a obtención, de modo totalmente gratuíto, do distintivo Compromiso de Calidade Turística.

A estes beneficios súmase a integración nas diversas campañas de promoción impulsadas no marco deste programa, entre as cuales figuran:

• Insercións publicitarias
• Difusión a través de redes sociais
• Presenza en portais de referencia do sector turístico, como www.calidadendestino.es e a páxina web de Turismo Rías Baixas
• Evento de entrega de diplomas acreditativo

Empresas certificadas