02.SABOREA A COMARCA DO CONDADO
TERRA DE FRONTEIRAS, AUGA E HISTORIA
TERRA DE FRONTEIRAS, AUGA E HISTORIA
Descubre a comarca do Condado, que discorre polas localidades das Neves, Salvaterra de Miño, Ponteareas, Mondariz e Mondariz-Balneario. Percorre o val do río Tea e os seus afluentes e coñece, a través dos seus museos e das súas paisaxes, a historia e a tradición desta terra.
Os petróglifos –gravados rupestres ao aire libre– salpican a paisaxe e son o testemuño das crenzas das comunidades da Idade do Bronce e do control do territorio, coma séculos máis tarde o foron os monumentais castros da Idade do Ferro, situados en lugares de dominio visual, ou os castelos medievais, que defenderon antigas fronteiras e que brindan imaxes tan emblemáticas coma a do impoñente castelo de Sobroso.
O río Tea e os seus afluentes nacen bravos nos montes e as súas augas moveron antigos muíños que aínda subsisten en paraxes naturais dunha gran beleza. Ríos que tamén levan vida á comarca, desde a tradición da pesca da lamprea á fertilidade de hortas e viñedos cos que se elaboran excelentes viños.
Terra e auga mestúranse para crear mananciais que, desde a Antigüidade, persisten como lugares de saúde, repouso e goce. Baños termais en balnearios centenarios, coma o de Mondariz, convídannos a conciliar natureza, tradición e saúde nun contorno incomparable.
- 1 - Ponteareas
- 2 - Mondariz - Balneario
- 3 - Mondariz
- 4 - As Neves
- 5 - Salvaterra do Miño
MUSEOS
-
Situado no castelo de Salvaterra, difunde a tradición vitivinícola galega, en especial da D. O. Rías Baixas.
-
Descubre o patrimonio natural, histórico e arquitectónico da parroquia de Taboexa.
-
Situado nunha antiga fábrica de curtidos, ofrece un percorrido pola historia da comarca, dá a coñecer os fillos ilustres do municipio, mostra a obra artística de autores locais e pon en valor a festividade de Corpus Christi, moi arraigada en Ponteareas.
-
Situado na cima do monte Landín, a súa orixe sitúase no século XII aínda que foi reconstruído no século XIV como unha das fortificaciones máis impoñentes de Galicia.
Teléfono: +34 986 654 305 +34 986 804 100
OUTROS PUNTOS DE INTERESE
-
Construción orixinaria da Idade Media, este recinto amurallado con distintas dependencias constitúe unha envexable atalaia sobre o río Miño.
-
Poboado da Idade do Ferro protexido por unha sólida muralla, un singular torreón, un foso escavado na roca e varios parapetos. No seu interior recuperáronse máis de 30 vivendas. Consérvase un petróglifo que representa unha serpe e que a tradición popular denomina Serpe de Troña.
-
O Balneario de Mondariz conta cun atractivo campo de golf de 18 buracos cun percorrido divertido e esixente, integrado nun contorno natural e que é todo un referente entre os campos de golf de Galicia.
-
Xa en época romana eran coñecidas as propiedades das fontes do lugar e no século XIX foron descubertas polo Dr. Peinador Vela, que construíu un dos balnearios de España de máis prestixio. Tamén innovou na comercialización de auga mineral envasada.
MOMENTOS GASTRONóMICOS
- Lugar da Muguiña, Arantei, 36458 Salvaterra de Miño
- Porto de abaixo, 10, 36453 Salvaterra de Miño
-
Festa de Interese Turístico de Galicia con máis de medio século de tradición, que ten lugar no mes de agosto e na que os viños de Salvaterra de Miño se acompañan da degustación doutros produtos da zona.
-
Festa gastronómica dedicada ao viño espumoso, unha produción singular elaborada maioritariamente con uva albariña e que pertence á Denominación de Orixe Rías Baixas. Ten lugar na primeira fin de semana de decembro.
-
Festa de Interese Turístico de Galicia, que ten lugar no mes de marzo, dedicada a unha sobremesa de longa tradición nesta localidade. A súa orixe sitúase no século XII e crese que era o alimento que se lle daba aos peregrios.
- Bouza do Rato, s/n, 36449 As Neves.Teléfono: +34 986 667 212
ENCLAVES NATURAIS
-
Desde a cima, a 387 metros de altitude, obtense unha vista panorámica do val do río Tea e do castelo de Sobroso. Onde anteriormente había un castelo medieval levántase unha gran cruz que marca o final dun Vía Crucis.
OUTROS PUNTOS DE INTERESE
- Xacementos de Couto do Conde e de Portomaior
Unha paisaxe salpicada de afloramentos de granito onde os homes e as mulleres do Neolítico e da Idade do Bronce expresaron as súas crenzas e, probablemente, marcaron o seu territorio, mediante o gravado de figuras zoomorfas, espirais ou motivos reticulares.
[+] INFO - Xacemento de Altamira
A situación deste castro fai que sexa visible desde calquera punto do val do río Tea, e ten por ese motivo unha grande visibilidade sobre a zona circundante. Ademais desta importancia estratéxica fixéronse neste castro importantes descubrimentos de materiais, entre os que destacan algunhas figuras de bronce romanas.
[+] INFO - Igrexa da parroquia de Santa María de Taboexa
Construíuse a partir do ano 1544 sobre un templo románico e conserva elementos arquitectónicos de varios estilos, coma renacentista e barroco. O santuario, rodeado dunha cerca cun Vía Crucis, conserva xunto a el o cemiterio parroquial.
[+] INFO - Termas de Salvaterra
Están situadas nunha ampla paraxe natural, contan con varias pozas termais ao aire libre e serán as termas públicas máis grandes de Galicia. Recuperáronse unhas antigas termas recoñecidas polas propiedades curativas do manancial de Teáns.
- Petróglifos de Gargamala
Afloramientos graníticos con petróglifos, realizados hai 4.000 anos, con deseños cruciformes, zoomorfos, círculos concéntricos, figuras humanas…
MOMENTOS GASTRONóMICOS
- Rosquillas de Ponteareas
As rosquillas de Ponteareas son un dos produtos gastronómicos con maior reputación da localidade. Habitualmente son de follado e moi crocantes.
