06.SABOREA VIGO
UN MAR DE HISTORIAS
UN MAR DE HISTORIAS
Degusta o sabor da ría de Vigo a través dos seus museos, do seu patrimonio e das súas paisaxes. Goza da gran despensa de produtos do mar e sorpréndete da antiga e arraigada tradición mariñeira, marisqueira e conserveira de Vigo. Descubre, ademais, a importancia da vixilancia e a defensa da ría no Medievo coa construción de fortificacións para evitar os ataques inimigos.
Saborea a ría de Vigo, ule a mar e a sal e degusta os mellores produtos do mar percorrendo as localidades de Vigo e Soutomaior. A explotación dos recursos mariños é unha tradición milenaria en Vigo, baseada na recolección e a cría de marisco, na pesca, pero tamén na tradición da salgadura e a conserveira. A través das súas paisaxes, do seu patrimonio e dos seus museos descubrirás os grandes segredos da cultura do mar nesta terra.
Toda a ría de Vigo está salpicada de patrimonio que nos conecta coa súa actividade e gastronomía mariñeiras: o Museo do Mar de Galicia ofrece un extenso percorrido polos diversos ecosistemas mariños e achéganos á arraigada cultura do mar, os castros da Idade do Ferro reflicten unha importante actividade mariscadora e as salinas de época romana manifestan a antiga tradición das industrias de salgaduras, unha delicia gastronómica xa para os romanos. Durante o século XIX as industrias conserveiras convertéronse nun importante motor económico, que queda testemuñado polas numerosas antigas fábricas ou polo interesante Museo ANFACO da industria conserveira.
Pero a ría de Vigo esconde moitas máis historias, como a importancia que tivo o seu control para evitar as incursións procedentes do mar que poderían irromper cara o interior, especialmente durante a Idade Media. Por iso, un castelo coma o de Soutomaior foi estratéxico para a vixilancia do territorio.
- 1 - Soutomaior
- 2 - Vigo
MUSEOS
-
Iniciativa da Asociación Nacional de Fabricantes de Conservas de Peixes e Mariscos para difundir a importancia e a evolución dun dos sectores empresariais con máis historia de Galicia: o sector da conserva, unha industria pioneira na que a sardiña é a protagonista.
-
É a vila costeira de época romana máis importante do noroeste peninsular, que, situada nun pequeno cabo fronte á illa de Toralla, se dedicou principalmente á explotación dos recursos mariños. Descubríronse unha área de traballo, unha residencia e un complexo termal. Divulga a actividade na vila e mostra os obxectos arqueolóxicos recuperados.
-
Situado nunha antiga fábrica conserveira, mostra a bioloxía e os ecosistemas mariños a través dun acuario e presenta a explotación e a transformación dos recursos mariños e pesqueiros. No interior do museo consérvanse os restos do castro da Punta do Muíño do Vento.
-
Situado no centro histórico de Vigo, expón os valores naturais e culturais das illas atlánticas. Os ecosistemas, a biodiversidade ou a pesca tradicional son algunhas das temáticas tratadas.
-
É a única salina mariña de evaporación solar de época romana conservada e musealizada en Galicia. Trátase dunha importante factoría, con cubetas moi ben conservadas, que abasteceu de sal as industrias da salgadura. O centro mostra obxectos relacionados e explica o proceso de obtención de sal.
-
Edificado no século XII, foi ampliado no século XV e remodelado como residencia no século XIX. É unha das fortificaciones mellor conservadas de Galicia e durante a visita descóbrese a historia da fortaleza e das apaixonantes vidas dalgúns dos personaxes que o habitaron, como Pedro Madruga, o marqués de La Vega de Armijo ou María Vinyals. Está rodeado por un xardín que en 2012 obtivo o recoñecemento de Xardín de Excelencia Internacional da Camelia.
OUTROS PUNTOS DE INTERESE
-
Barrio de tradición mariñeira onde en orixe se situaban os varadoiros e os almacéns para gardar as embarcacións ou os apeiros de pesca. Posteriormente ocupárono casas de mariñeiros. Nas pequenas prazas e soportais outrora realizábanse os labores relacionados coa pesca.
MOMENTOS GASTRONóMICOS
-
Baixo petición e para grupos ofrécese a posibilidade de visitar a lonxa de Vigo e seguir en directo a poxa de peixe fresco.
-
Como o seu nome indica, na rúa das ostras diversos establecementos ofrecen este molusco ao natural.
-
Festa de Interese Turístico de Galicia que ten lugar durante a primeira fin de semana de abril, con degustacións de ostras ao natural, en empanada ou en escabeche.
ENCLAVES NATURAIS
-
O arquipélago de Cíes, situado na boca da ría de Vigo, está formado por tres illas montañosas de gran valor ecolóxico: Monteagudo, O Faro e San Martiño. Representa un excelente observatorio de fauna e flora.
-
Montículo que, preto do río Verdugo, ofrece un dominio visual excepcional da entrada da ría de Vigo, das súas ribeiras e mesmo das illas Cíes. Acháronse a necrópole megalítica de Cortello dos Mouros e a Mámoa do Rei. Foi ocupado por un castro da Idade do Ferro e, no ano 1477, o bispo de Santiago, Alonso Fonseca, construíu un castelo. Posteriormente, na súa cima construíuse unha ermida dedicada á virxe da Peneda.
ENCLAVES NATURAIS
- Parque Nacional das Illas Atlánticas (Vigo, Bueu e Vilagarcía de Arousa)
O parque está formado por máis de 8.480 hectáreas, das cales 7.285 son mariñas e o resto terrestres. Está composto por catro arquipélagos: Sálvora, Cortegada, Ons e Cíes, que actúan de barreira natural das rías ante o océano e nos que se conserva unha biodiversidade terrestre e mariña de alto valor natural.
[+] INFO - Paseo pola ría de Vigo (Vigo)
Desde a estación marítima da ría de Vigo existen diversas opcións para realizar un paseo en barco e visitar as illas Cíes ou as localidades mariñeiras do outro lado da ría, coma Moaña ou Cangas, no Morrazo.
[+] INFO [+] INFO
