10:00
O mellor é empezar a xornada liberando adrenalina coa gran variedade de deportes náuticos que nos ofrece o Miño: balsismo, caiac ou barranquismo, entre outras moitas disciplinas. Nesta zona hai varias empresas especializadas en turismo activo.
13:00
Natureza, patrimonio e unha singular gastronomía grazas á lamprea e os viños da D. O. Rías Baixas, da subzona do Condado. Esta excelente combinación atoparédela en Arbo. Aconsellámosvos que visitedes algunha adega da zona e, a continuación, vos atrevades cunha lamprea á bordelesa.
17:00
En Covelo pódese gozar dunha das praias fluviais máis bonitas de Galicia, a de Maceira, unha extensa área recreativa para refrescarse e pasar unha apracible tarde á sombra. Tamén hai numerosos rutas de sendeirismo para explorar os arredores.
20:30
Algo que non podes perdoar é unha tapa de xamón da Cañiza, con queixo de tetilla e bo pan. Para chegar debes ir desde Covelo e subir pola serra do Suído; unha bela paisaxe na que gozarás de postas de sol infinitas.
