9:00 h
Comeza a xornada cun paseo polo impresionante parque de Castrelos e os xardíns do pazo Quiñones de León, trazados a finais do século XIX con influencias do barroco francés. O museo alberga unha importante colección de arqueoloxía.
11:30 h
Sobe ata a fortaleza do Castro para divisar unha completa panorámica da ría de Vigo e logo baixa pasear pola zona comercial do Príncipe. Entra nos soportais cheos de vida do Casco Vello para tomar o aperitivo ou comer nas súas taperías ou no gastromercado do Berbés.
14:00 h
O antigo porto da cidade de Vigo conta con varias rúas empedradas e cheas de vida onde é posible ver as antigas casas mariñeiras aínda conservadas. Esta zona recuperouse cun bo número de taperías e restaurantes que traballan con produtos tradicionais.
16:30 h
É unha visita indispensable para entender a relación do ser humano co mar. Está situado nunha antiga conserveira rehabilitada polo arquitecto César Portela e integra os restos do castro Punta de Muíño. Conta cun pequeno acuario e está a escasos metros das praias.
18:00 h
A principal particularidade deste xacemento, que data dos séculos IV e V d. n. e., é que se trata da única vila romana de Galicia que está escavada integramente e pode ser visitada. Outro dos seus grandes alicientes é que se atopa á beira do mar.
20:00 h
Un dos imprescindibles en Vigo é gozar do espectacular atardecer desde as praias do Vao ou Samil. Gozarás dun dos atardeceres máis fermosos do mundo vendo o sol esconderse detrás da silueta das illas Cíes.
9:30 h
Ponte en marcha percorrendo esta senda marítima que rodea a fortaleza de Monterreal, antigo centro defensivo da época medieval hoxe convertido en parador de turismo. O recinto amurallado, moi ben conservado, é tamén un fantástico miradoiro ao porto de Baiona e ao Atlántico.
12:00 h
A parte antiga de Baiona foi declarada Conxunto Histórico Artístico en 1993, coincidindo coa celebración do V Centenario da Arribada. Pasea polas súas estreitas rúas para tomar algo antes de xantar ou comprar algún produto de artesanía.
14:00 h
Non deixes de acudir a algunha taberna típica para degustar algún produto da ría. Se buscas opcións máis elaboradas tamén atoparás unha ampla oferta de restaurantes con produtos frescos do mar e da horta.
16:00 h
Baiona foi o primeiro porto de Europa que recibiu a noticia do Descubrimento de América. No museo atoparás unha recreación do famoso navío, adaptado para coñecer a fondo a historia de Cristovo Colón e as súas viaxes.
17:30 h
O arquitecto Antonio Palacios foi o creador desta impoñente imaxe da Virxe en granito sobre as rochas do monte Sansón, inaugurada no ano 1930. Na súa man sostén unha barca-miradoiro que ofrece unhas preciosas vistas da baía de Baiona e da ría de Vigo.
19:00 h
Finaliza a xornada no paseo marítimo de Panxón, no municipio de Nigrán, e ascende ata o Templo Votivo do Mar, asinado tamén por Antonio Palacios.
