O Camiño Portugués, o segundo máis elixido do Camiño
A afluencia de peregrinas e peregrinos aumentou de maneira exponencial ata as 12.000 persoas viaxeiras no mes de agosto, consolidando esta ruta como a segunda elixida por quen realiza O Camiño. Esta cifra é a máis alta que se rexistra nun só mes nesta ruta que transcorre especialmente polas Rías Baixas. Así, por exemplo, en 2016 chegaron a superar o oito mil e nove mil en xullo e agosto respectivamente.
Pola súa banda, a popularidade do Camiño Francés permite que continúe na cabeza como preferencia para realizar esta viaxe, así o confirman os máis 32 mil peregrinos que o utilizaron no mesmo mes de agosto, o que supón o 56 % de todas as e os camiñantes. O Camiño Portugués acolle ao 20 % destas persoas viaxeiras. Séguelle o Camiño do Norte, con máis de 4 mil (7,53 %), o Camiño Primitivo con ao redor de 3 mil (5,36 %), o Camiño Inglés, con máis de 2 mil (4,43 %). E por baixo desa cifra xa está a Vía a Prata con 1.473 (2,55 %) e o Camiño Portugués pola Costa con 1.457 (2,53 %). As posibles alternativas restantes, que seguen sendo varias, xa non alcanzarían nin o 1 % de persoas viaxeiras no mes de agosto.
Canto aos enclaves elixidos para comezar o traxecto, destaca Tui situándose como segunda opción co 10 % das peregrinacións, arrebatando o posto a Jean P. Port en Francia (6 %), e só por detrás de Sarria en Lugo co 27 %.
Entre outras curiosidades das estatísticas, destaca que o 52 deles son homes e un 92 % elixe facelo a pé por un 7 % en bicicleta. En canto á súa procedencia, ao redor do 59 %, 34 mil, son españois, e destes, procedentes de Andalucía, Madrid e Valencia especialmente, (24, 16 e
14 % respectivamente). Mentres que as persoas estranxeiras ocuparían o 40 % (23 mil), sendo Italia a que máis peregrinos e peregrinas envía con máis de 9.000 (10 %),moi por diante do segundo país, Alemaña, que envía a ao redor de 2.000.
Uns datos positivos para o turismo nas Rías Baixas, e ao que hai que sumar a noticia de que a partir de 2018 acuñarase a imaxe de Santiago Apóstolo en máis de 300 mil unidades da moeda de 2 €, seguindo a temática de homenaxear bens e lugares da Lista de Patrimonio Mundial da UNESCO.
Fonte: Oficina do Peregrino