Xa temos gañadoras e gañadores do concurso Voa RíasBaixasFest!
Un voo dobre gratuíto entre a provincia de Pontevedra e tres cidades de Levante e as Illas Baleares é o premio que recibirán as seis persoas gañadoras do concurso Voa RíasBaixasFests, que tivo lugar entre o 22 de xuño e o 3 de xullo na conta de Facebook de Turismo Rías Baixas. A elección entre as 269 persoas participantes que realizaron un comentario relacionado cos festivais e o destino turístico Rías Baixas, ademais de mencionar os hashtags do certame, realizouse por sorteo aleatorio hoxe ás 14 horas coa ferramenta Random.org, certificado polo secretario da Deputación de Pontevedra, Carlos Cadrado Romay.
Listaxe de gañadoras e gañadores
As persoas elixidas para recibir o premio de tres billetes dobres a participantes residentes na provincia de Pontevedra son:
- Roberto Fariñas Jorge
- Chiquilla Wonder
- Carolina AC
As e os habitantes de Valencia, Ibiza ou Mallorca que vivirán en primeira persoa experiencias únicas nas Rías Baixas, acompañadas e acompañados de quen elixa, son:
- Miguel Vázquez
- Xavi Galmes
- Eva Agüita Salá
As persoas premiadas terán que escribir un correo electrónico á dirección webturismo@depo.es no que faciliten os seus datos persoais e preferencias de voo, tanto no relativo ás datas de ida e volta como aos aeroportos de orixe e destino. A oferta nas datas elixidas, que deberán seleccionarse entre os meses de xullo e setembro, estará suxeita á dispoñibilidade da compañía aérea Air Nostrum (consultar aquí frecuencias e rutas).
As persoas gañadoras de Valencia, Ibiza e Mallorca deberán especificar ademais para cal dos sete Rías Baixas Fests queren as súas dúas entradas gratuítas.
Suplentes
De non responder as e os galardoados á notificación do premio antes das 14 horas do día seguinte ao sorteo aceptando o premio, este pasará á persoa suplente, por orde de lista. Para iso establécese a seguinte lista de reserva:
Para voos entre a provincia de Pontevedra e Valencia, Palma de Mallorca ou Ibiza:
1. JL Alejandro
2. Nuria Hermida Fariña
3. Uxia Vg
Para viaxar entre Valencia, Palma de Mallorca ou Ibiza e a provincia de Pontevedra a lista de suplentes será a seguinte:
1. Aida Vázquez Lago
2. Thaisiña Pelainas
3. Caro ML
Características do premio
O premio consiste en billetes de ida e volta para dúas persoas en clase turista para a ruta de Vigo ao destino seleccionado. No caso de participantes da provincia de Pontevedra, billetes de ida e volta para dúas persoas en clase turista para as rutas Ibiza, Mallorca, Valencia-Vigo. As datas de saída e regreso, en todos os casos, determinaraas a persoa gañadora entre os meses de xullo e setembro de 2018.
O período de goce estará suxeito á dispoñibilidade e ao calendario da compañía aérea que opera estes destinos. O premio consiste unicamente nun billete dobre de ida e volta ao destino seleccionado, sen incluír traslados nin servizos adicionais (só voos directos). No caso de visitantes procedentes de Ibiza, Mallorca ou Valencia terán opción a solicitar un bono para asistir a un dos Rías Baixas Fests que coincida coa data na que viaxan. O premio é nominal e intransferible para a persoa gañadora e o seu acompañante.