Glamour e beleza en Rías Baixas
A blogger e profesional da moda Fiona Ferrer gozou desde o venres 13 de abril ata o luns 16 dunha ilusionante viaxe de catro días polas Rías Baixas. Durante a súa agradable estancia por este destino de Galicia non só descubriu grandes paraxes, senón que foi mostrando para as súas máis de 100.000 persoas seguidoras entre Instagram e Twitter a súa escapada con encanto a Pontevedra.
O percorrido comezou desde a cidade inter-fronteiriza de Tui. Unha cidade que conserva un dos centros históricos máis bonitos da provincia pontevedresa onde podemos ruar polo vello empedrado do que foi o barrio xudeu da vila. Calellas por onde pasa o Camiño de Santiago e onde nos atoparemos cun vello teatro, unha carnicería xudía ou mesmo unha sinagoga.
Non moi lonxe atópase a Catedral de Tui, e ademais dun paseo recomendado pola beira do río Miño, unha suxestión é cruzar o popular e mítica ponte internacional do século XIX que conecta coa veciña Valença do Miño.
![Fiona Ferrer en Tui](/documents/11015/339255/2+fiona-tui-valenca-riasbaixas.jpg/ce13cfa8-ba29-4827-a81a-0bd83aca4c1b?t=1524212111000)
![Fiona Ferrer en Tui](/documents/11015/339255/1+fiona-tui-riasbaixas.jpg/7733a4d1-b814-4974-9269-fa3f7161ee3c?t=1524217403000)
E de Tui a Baiona. Á costa atlántica. Neste caso á vila costeira onde arribou a Pinta hai máis de 500 anos. A pequena cidade déixanos estampas como a da súa fortaleza e o parador de Baiona (na imaxe). A mesma fortaleza posúe un belo camiño de acceso libre que o rodea. Se nos gusta pasear pódese seguir camiñando pola senda que bordea a baía ata A Ramallosa. Outras opcións é achegarse ao seu centro histórico, o miradoiro da Virxe da Roca ou subir á serra da Grova.
![Fiona Ferrer en Baiona](/documents/11015/339255/3+fiona-baiona-riasbaixas.jpg/b6864868-dd40-451a-a990-76a315ac184c?t=1524211895000)
![Fiona Ferrer en Gondomar](/documents/11015/339255/5+fiona-gondomar-riasbaixas.jpg/b63aef13-5935-4dbe-81d7-712d563223a9?t=1524211951000)
O sábado cambia de ruta rumbo ao norte, ao Grove. Que mellor forma de saciar o apetito que nun restaurante con estrela Michelin. É o Culler de Pau do chef Oleiros. Lonxe de ser o único local laureado, a provincia de Pontevedra goza de situar os seus cinco restaurantes con estrela Michelin nun rango de 60 quilómetros.
O Grove, rodeado por unha fermosa costa, é un escenario ideal para desconectar e deixar que o mar, a brisa mariña e a esencia do atlántico cative os nosos sentidos.
Se a estampa anterior xa era envexable, Fiona regálanos un amencer desde a Illa da Toxa. O enclave é un dos moitos puntos termais dos que goza e presume esta provincia de Galicia.
![Fiona Ferrer en Restaurante Culler de Pau](/documents/11015/339255/4+fiona-cullerdepau-riasbaixas.jpg/9adcfb0f-69ca-42c0-83b0-21884bf0ed2a?t=1524211920000)
![Fiona Ferrer en O Grove](/documents/11015/339255/4+fiona-ogrove-riasbaixas.jpg/c840be93-9b06-493e-a86f-a21a8025d97f?t=1524211935000)
Novo día, novo plan. Seguimos subindo e a apenas uns quilómetros máis ao norte entramos en Cambados. Falamos da cidade do Albariño. Non en balde en 2017 foi declarada Cidade Europea do Viño, e é que o municipio é un dos maiores produtores deste caldo co que se elabora a Denominación de Orixe Rías Baixas. Ademais, conta co primeiro museo galego dedicado ao viño que á vez foi un dos primeiros a nivel nacional. A fotografía neste caso é xunto a torre de San Sadurniño.
![Fiona Ferrer en Illa da Toxa](/documents/11015/339255/6+fiona-illa-toxa-riasbaixas.jpg/04616570-efda-4e6d-9281-74c0c4fd2297?t=1524212090000)
![Fiona Ferrer en Cambados](/documents/11015/339255/7+fiona-cambados-riasbaixas.jpg/c07c3604-879c-47e3-ac8c-a2d782c6e36e?t=1524211982000)
O paseo da tarde leva ao equipo ata os xardíns de Cuntis onde a nosa experta faise unha foto xunto cunha árbore de camelias centenaria. A camelia é a flor por excelencia de Rías Baixas. Importada de oriente, atopou aquí un lugar de acollida ideal. Agora, pazos e parques locen esta flor que ofrece múltiples usos. Estendeuse tanto que se creou a Ruta da Camelia e ata catro dos xardíns pontevedreses gozan de ser de Excelencia Internacional.
Xa o luns diríxese á comarca de Deza, onde pousa xunto cunha árbore senlleira. Árbores centenarias que xa forman parte do patrimonio natural galego. É o pazo de Liñares de Lalín , o cal alberga un centro de xestión arqueolóxico (CXCA) e o Museo da Marioneta. Este municipio é un lugar perfecto para finalizar a viaxe, pois se algo destaca nesta comarca son as súas paisaxes naturais, os seus ríos, montes e bosques. Un bonito recordo do interior de Pontevedra .
![Fiona Ferrer en Cuntis](/documents/11015/339255/8+fiona-camelia-riasbaixas.jpg/af1d2557-02dc-48f9-afd0-2d8bb977769a?t=1523960207000)