Albariño, entre os mellores viños brancos europeos por Wine Folly
O sitio web Wine Folly, dedicado á publicación de contido sobre viños, dedicoulle un artigo completo a este tipo de uva que forma parte da Denominación de Orixe Rías Baixas. O artigo que leva por título "All about Albariño Wine" (Todo sobre o viño Albariño), foi escrito pola catadora Madeline Puckette, autora do Wine Folly: The Essential Guide to Wine (Wine Folly: A Guía Esencial do Viño) para o New York Times.
No artigo destácase que se trata dun viño perfecto para acompañar pratos exquisitos e especialmente o marisco ou o peixe, nas súas propias palabras para "Seafood lovers" (Amantes do marisco).
Despois de facer unha breve introdución sobre o seu potencial degustativo como o faría un catador, mostrando todos os seus aromas e percepcións, indican a mellor maneira de servilo. Frío e en copas de viño de cristal branco, pero sen o temor que poida gañar en temperatura para así poder deleitarse e apreciar o seu intenso cambio cara a outros aromas e sabores. Ademais, recomendan o seu consumo tras un ou dous anos posteriores á súa colleita, a pesar que moitos deles alcanzan os cinco ou sete anos.
Entre outros pratos exóticos cos que se recomenda o seu consumo, é xunto á comida tailandesa, vietnamita, caribeña e mesmo a cociña moderna californiana, achegando unha serie de exemplos de toda a alimentación coa que podería combinarse.
En canto á procedencia da uva, fan clara referencia á súa orixe en Galicia, a "Green Spain" (España Verde), en concreto especialmente nas Rías Baixas e tamén no norte de Portugal. Un clima esencial cuxa costa lle prové maior salinidade e no que adoita chover máis que no resto de España, ademais de posuír unha alta mineralidade.
Outro elemento que destacan é como nos últimos anos está a alcanzar un mercado máis internacional, exportándose a lugares tan dispares como California, Arxentina, Uruguai, Brasil ou Nova Zelanda, cuxos datos xa ofrecemos hai uns meses aquí.
Sobre a ruta sobre Viño Europeo que elaboraron, aparece sendo o único viño branco destacado no seu mapa da Península Ibérica, xunto o Vinho Verde portugués. O resto de viños nacionais que lle acompañan son os tintos Rioja, Ribeira del Duero e Monastrell, o Sherry entre os doces, o Rosado e o Cava entre os espumosos.
Como curiosidade, destaca a especificación en que mostran os nomes para a súa correcta pronuncia no seu idioma "alba-reen-yo" para Albariño, e "rhee-yus by-shus" Rías Baixas.
