O Desafío Boot Camp volve a Samil o día 8 de outubro
A cidade olívica de Vigo, nas ías Baixas, acolle unha nova tempada do Desafío Boot Camp con ao redor de 3.000 competidoras e competidores de diversas partes da Península Ibérica, especialmente de Galicia, norte de Portugal e Asturias.
A competición consta de ao redor de sete quilómetros de percorrido no que se terán que salvar de 26 a 32 obstáculos, característica que lle dá nome (Campo de Adestramento) e outórgalle a súa singularidade especial.
A diferenza nesta sesión, é a inclusión doutras actividades e categorías para atraer a máis público e persoas competidoras, ademais daquelas que optan ao campionato de Europa de OCR no que se clasifican as e os 10 primeiros na categoría Elite e Pre-Elite. Así, ademais estes niveis, están as quendas de Amateurs e Open, que se poden realizar de forma individual ou por grupos, e a alternativa para veteranos (maiores de 55 anos), e novos ("Kids"), que irían desde os 4 ata os 15 anos.
Espérase a 20.000 persoas espectadoras e 3.000 competidoras nunha edición que busca iniciar a un gran público non experto nas súas diversas categorías
Dentro do nivel "Open", para todo o público que se queira "iniciar", dan a opción de realizala con chip e optar a clasificación e premios ou sen chip, para realizar por puro pracer e sen presión algunha.
Ademais da competición, programáronse diversas actividades para o público en xeral, como música, un tobogán acuático xigante e alimentación a través de food trucks que esperan atraer a 20.000 persoas.
O inicio da carreira o día 8 comezará ás 10 da mañá en quendas de 135 persoas cada 15 minutos ata as 13:15.horas.
