O mosteiro de Carboeiro amplía as súas opcións de visita ao estrear horario de verán
Situado no municipio dezán de Silleda, o mosteiro de Carboeiro é un dos monumentos máis representativos das Rías Baixas. O enclave, entre os principais reclamos turísticos do interior da provincia de Pontevedra, acaba de estrear o seu horario de verán, ampliando as opcións de visita ata o día 31 de agosto.
Deste xeito, quen desexe coñecer esta obra arquitectónica do románico de transición ao gótico influenciada polo estilo do Mestre Mateo poderá facelo de martes a domingo. Entre semana, desde o martes ao venres –ambos incluídos– o horario establécese entre as 11:00 e as 14:30 horas e entre as 16:30 e as 20:30 horas. Ademais de ampliar esta franxa horaria, a principal novidade con respecto ao horario habitual do mosteiro afecta os fins de semana, momento en que Carboeiro poderá visitarse de modo ininterrompido desde as 11:00 ás 20:30 horas, tanto os sábados como os domingos.
Os fins de semana, a entrada ten carácter ininterrompida desde as 11:00 ás 20:30 horas
Ademais do propio mosteiro, de gran riqueza arquitectónica e histórica, destaca tamén a contorna no que se atopa. Así, en terras de Trasdeza, o enclave sitúase nunha paraxe rodeada polo río Deza. Ademais, moi preto o visitante ten na Fervenza do Toxa outro dos máximos expoñentes turísticos do interior da provincia.
Escenario da serie O final do Camiño
Hai só uns meses, o mosteiro de Carboeiro foi escenario ademais da rodaxe da serie O final do Camiño, que mostrou ao público da pequena pantalla múltiples ubicaciones de As Rías Baixas. Así, ademais deste espazo de Silleda as e os espectadores puideron asistir ás peripecias da construción da Catedral de Santiago e o desenvolvemento do Camiño a través de distintos enclaves de Forcarei , Catoira, A Estrada, Lalín ou Vila de Cruces.
