As 10 árbores máis antigas de Rías Baixas
Ademais do legado artístico, cultural ou histórico, Galicia conta cun legado natural excepcional. Bosques, fragas ou frondosas ribeiras cheas de vida son mostra diso. Entre este legado atopamos ás denominadas “árbores senlleiras” ou árbores singulares. Trátase dun proxecto da Deputación de Pontevedra co obxectivo de catalogar aquelas árbores centarias máis antigas localizadas nesta provincia.
Agora que chegamos á metade da primavera, o bo tempo convida a pasear, e unha opción é saír a coñecer estas compañeiras singulares que nos acompañan desde fai centos de anos. Listamos as 10 senlleiras máis lonxevas para quen desexe coñecelas:
Carballo de Soutolongo, Lalín
Carballo que se localiza na ribeira do río Asneiro, en Soutolongo, Lalín. É das máis altas desta lista cos seus 26 metros. E a súa idade está estimada entre os 150 e 200 anos, do mesmo xeito que o Sobreiral de Magán, Cuntis, e as Magnolias Grandifloras do pazo Rubianes, Vilagarcía de Arousa.
Oliveira de Vigo
É unha das árbores máis populares da cidade de Vigo. Non en balde coñécese á urbe como cidade olívica e este exemplar en concreto xa é un emblema da vila. Mide 15 metros e ten 200 anos de vida.
Carballo de Soutolongo, Lalín
Olivo de Vigo
Sobreira do pazo de Valiñas, A Estrada
A sobreira do pazo de Valiñas, A Estrada, é de titularidade privada. En 1851 Ramón Cervela Arias-Teixeiro dedicoulle unha poesía. Mide 21 metros e está datada entre os 250 e 350 anos.
Figueira do Meco, O Grove
A historia do Grove está directamente ligada coa Figueira do Meco. O Pai Sarmiento menciónao no século XVII e a lenda conta que nel se axustizou ao Meco por abusar de diferentes mulleres. Ao preguntar o xuíz “Quen matou ao Meco?”, o pobo contestou “Ao meco matámolo todos”. Desde entón ás e aos os grovenses coñéceselles como mecas e mecos. Mide 5 metros e está datado en máis de 300 anos.
A historia do Grove está directamente ligada coa Figueira do Meco que deu lugar ao seu xentilicio local
Sobreira de Pazo Valiñas, en A Estrada
Figueira do Meco, en O Grove
Sobreira do Cristo de Arriba, en Redondela
A sobreira do Cristo de Arriba atópase na parroquia de Reboreda, en Redondela e forma parte dun terreo ligado á familia de Ramón Otero Pedrayo. O porte chega aos 17 metros e a idade estímase entre os 250 e 500 anos.
Sobreira de Siador, en Silleda
A sobreira de Siador, Silleda, atópase nunha contorna natural preto do templo da nosa Señora da Virxe da Saleta. Aínda que é de titularidade privada, pódese apreciar desde o camiño. A súa altura alcanza os 15 metros e ten unha idade estimada de 300 a 500 anos.
Sobreira del Cristo de Arriba de Reboreda, Redondela
Sobreira de Siador, Silleda
Buxal de pazo de Oca, en A Estrada
Tamén é de titularidade privada, pero o acceso ao xardín onde se localiza está aberto a visitas case todo o ano. De feito, no propio pazo de Oca localízanse varias senlleiras. Este buxal ten un porte de 13 metros e unha idade de 400 anos.
Carballo do Pelete, en A Lama
Nas Festas do Viño do Pelete, A Lama, bótase viño ás raíces deste carballo. O motivo xorde da lenda no que un pai agradecía con esta tradición anual á patroa da parroquia, a Virxe dos Remedios, por curar ao seu fillo que caeu malferido á beira do carballo. Mide 15 metros e está datado en 500 anos.
Buxal de pazo de Oca, A Estrada
Carballo de Pelete, A Lama
Carballo de Santa Margarida, en Pontevedra
O carballo de Santa Margarida chegou á final do concurso ”Árbol Español del Año” en 2017, quedando en terceiro lugar. Atópase en Mourente, Pontevedra. Comparte terreo cunha capela, mide 14 metros e está datado tamén en 500 anos. Algunha investigación anterior elevábao aos 800 anos.
Sobreira de Valboa, en A Estrada
É unha sobreira que sobreviviu a un incendio e agora ten o seu propio papel nas festas parroquiais. Atópase xunto o río Ulla en San Xiao de Arnois, A Estrada. Mide 20 metros e forma parte desta estirpe que chega ao medio milenio.
Carballo de Santa Margarita en Mourente, Pontevedra
Sobreira de Valboa en A Estrada
